مسلمان دؤلتلری و آذربایجانین یاخین قونشولاری ملکی وطنداشلارا قارشی بو عملی «اینسانلیغا قارشی جینایت» آدلاندیریب، ارمنیستان حاکمیتینی کسکین تنقید ائدیبلر.

بو سؤزلری پولیتولوگ علیرضا زمانی ایولون ۴-ده ارمنیستان حربی بؤلمه‌لرینین فضولی رایونونون آلخانلی کندینه هجومونا دوست، قونشو ایرانین مناسیبتی حاقدا آخار. آذ-آ دانیشارکن دئییب. او، ایرانین رسمی دایرلرینین حادثه‌یه گؤزله‌نیلن رئاکسییانی وئرمدیینی بیلدیریب:

«تخریباتدان درحال سونرا بوتون مسلمان اؤلکه‌لری بو حادثه‌یه مناسیبت بیلدیره‌رک، آذربایجانین مؤوقعینی دستکله‌مکله یاناشی ارمنیستانین ایشغالچی سیاستینی جدی شکیلده پیسله‌ییب. دوست، قونشو و مسلمان اؤلکه‌لر آراسیندا ایران ااسلام جمهورینینین رئاکسییاسینین ایسه گؤزله‌نیلن سوییه‌ده اولمادیغی داها چوخ گؤزه چارپیر. بوتون دونیادا مسلمانلارینین حامیسی کیمی اؤزونو تقدیم ائد‌ن و مظلوم مسلمان خالقلارین دایم یانیندا اولدوغونو بیان ائد‌ن ایران رسمیلری حادثه ایله باغلی یالنیز سفیرلیک سوییه‌سینده رئاکسییا بیلدیریب. ایندییه قدر ایران رسمیلریندن هئچ بیری حادثه‌یه مناسیبت بیلدیرمه‌ییب.

آذربایجاندا باش وئرن سیاسی، اجتماعی و سوسیال مسئله‌لرله باغلی دایم فیکیر بیلدیرن و بعضی حاللاردا آذربایجان مئدیاسیندا هر هانسی بیر یازییا گؤره فیتوا وئرن ایرانلی دین خادیملری ده بو حادثه‌یه مناسیبت بیلدیرمک ایسته‌مه‌ییب».

علیرضا زمانی ایرانین عالی دینی رهبری آیت الله علی خامنه اینین قاراباغ مناقیشه‌سی حاقدا فیکیرلرینی خاطیرلادیب:

«قاراباغ ایسلام تورپاغیدیر و اوردا باش وئرنلره قارشی ایران ایسلام رسپوبلیکاسی بیگانه قالا بیلمز»، - دئیه‌ن ایرانین عالی دینی رهبری آیت الله خامنه ای و یا اونون نماینده‌لری، مشاویرلری، یا دا اونون آپاراتی هئچ بیر بیانات وئرمه‌ییب. ایران رسمیلری بعضا دونیادا باش وئرن حادثه‌لره سوسیال شبکه‌لرده مناسیبت بیلدیرردیلر. لاکین بو حادثه ایله باغلی هئچ بیر رسمی ایران رهبرلیگی سوسیال شبکه‌لرده آچیقلاما و یا ایستاتوس بئله یازماییب.
بوتون بونلارا باخمایاراق، ایران اهالی‌سینین اکثریتینی تشکیل ائد‌ن آذربایجان تورکلری حادثه ایله باغلی بوتون سوسیال شبکه‌لرده زهرانین قتله یئتیریلمه‌سی ایله باغلی اؤز اعتراضلارینی بیلدیریب. حتی بونونلا باغلی بین الخالق تشکیلاتلارا مراجعتلر عنوانلاماق مقصدی ایله ایمضا توپلاما کامپانییالارینا دا باشلاییب.

هم یئرلیلریمیز «PrayForZahra» آدلی ایمضا توپلاما کامپانییاسی یاراداراق، دونیانین «اویانیق ویجدانلی شخصلرینه» مراجعت عنوانلاماغا باشلاییبلار. مراجعت بوتون دونیادا اینسان حاقلاری مودافییه تشکیلاتلارینا، بیرلشمیش میللتلر تشکیلاتینین مووافیق قوروملارینا، ایران دؤولتی رهبرلرینه و س. اؤلکه‌لرده اولان سوسیال شبکه ایستیفاده‌چیلرینه گؤندریله‌جک. ایندییه قدر ۵ مین نفر ایمضا توپلاما کامپانییاسین‌دا ایشتیراک ائدیب».