دانیشیقلار پروسسینین برپا اولوندوغو بیر زاماندا آتت-این مینسک قروپونون همصدری اولان روسییانین ارمنیستانا حربی کرئدیت آییرماسی باشادوشولن دئییل.

بو سؤزلری آخار. آذ-آ آچیقلاماسین‌دا میللت وکیلی آیدین میرزا زاده دئییب. میللت وکیلینین فیکرینجه، موسکوانین ایروانا نؤوبتی حربی ژئستی ارمنیستانین ایشغالچیلیق ایستکلرینی داها دا آلوولاندیرا بیلر:

«دوزدور، ۱۰۰ میلیون دوللار ائله ده بؤیوک بیر مبلغ دئییل و پرینسیپجه ارمنیستان بونونلا جبهه خاناسینی یئنی‌لیه بیلمه‌یه‌جک. آنجاق ارمنیستانین چکه بیلمدیی مالییه یوکونو اوزرینه گؤتورمه‌سی و روسییا طرفیندن سرعتله میلیتاریستلشدیریلمه‌سی ایروانین ال-قولونو آچا بیلر. بو اوزده‌ن آذربایجان بو مسئله‌یه اعتراضینی بیلدیرملیدیر».

پولیتولوگ آرزو ناغییئو ایسه بیلدیریب کی، روسییا غربین سانکسییالاری آلتیندا اولدوغوندان سلاح ساتیشینی اقتصادی پروبلملرینین حلینده چیخیش یولو اولاراق گؤرور:

«ارمنیستانا سلاح ساتدیغی اوچون هئچ کیم روسییایا ایراد توتا بیلمز. ساده‌جه، ان قورخولو مسئله اودور کی، سؤزوگئدن سلاحلار داغلیق قاراباغدا پئیدا اولا، رگیون اوچون پوتنسیال تهلوکه منبعینه چئوریله بیلر».

قید ائدک کی، روسییا ایروانا ۱۰۰ میلیون دوللار حجمینده مدافعه کرئدیتی آییرماقلا باغلی قرار وئریب. کرئدیت ۱۵ ایل مدتینه ایللیک ۳%-له وئریلیر. اونون ایستیفاده مدتی ۲۰۱۸-۲۰۲۲-جی ایللر آراسیندا اول اولاجاق.

روسییا بون‌دان اؤنجه ائرمنیستانا عینی قای‌دادا ۲۰۰ میلیون دوللارلیق حربی کرئدیت وئرمیش‌دی.