بو گون ۲۶ ایون آذربایجان سلاحلی قوه‌لری گونودور.

Kult.az خبر وئریر کی، اردونون یارادیلماسیندان ۱۰۸ ایل اؤتور.

۱۹۱۸-جی ایل ایونون ۲۶-دا آذربایجان دموکراتیک رسپوبلیکاسی ناظیرلر شوراسینین قراری ایله ایلک منتظم حربی حیصه – الاحیدده آذربایجان کورپوسو یارادیلدی.

بو قرار شرقین مسلمان عالمینده ایلک دموکراتیک حکومتین اؤز اردوسونو یاراتماسینا حقوقی اساس وئردی. ۱۹۲۰-جی ایلین آپرلینده آذربایجانین سووت اشغالیندان سونرا ملی اردو لغو ائدیلدی.

آذربایجانین دولت مستقیللیینین برپاسیندان سونرا، ۱۹۹۱-جی ایل اوکتیابرین ۹-دا آذربایجان رسپوبلیکاسینین عالی سووئتی ملی اردونون یارادیلماسی حاقین‌دا قرار قبول ائتدی.

ایلک دفعه آذربایجان رسپوبلیکاسی پرزیدنتینین ۱۹۹۲-جی ایل ۱۸ سنتیابر تاریخلی فرمانی ایله تاسیس ائدیلمیش و ۱۹۹۱-جی ایلده آذربایجانین دولت مستقللیینین برپاسیندان سونرا آذربایجان اردوسونون یارادیلماسی باره‌ده آذربایجان عالی سووئتینین قرارینین قبول ائدیلدیی تاریخ – ۹ اوکتیابر، آذربایجان رسپوبلیکاسی سلاحلی قوه‌لری گونو اعلان ائدیلدی.

آذربایجان رسپوبلیکاسی پرزیدنتینین ۲۲ مای ۱۹۹۸-جی ایل تاریخلی فرمانینا اساساً همین فرمان قوه‌دن دوشورولموش و ۲۶ ایون تاریخی آذربایجان رسپوبلیکاسی سلاحلی قوه‌لری گونو اعلان ائدیلمیشدیر.

آذربایجان عسگری اوتوز ایله یاخین بیر مدت عرضینده دشمن تاپداغی آلتیندا اولان تورپاقلاری اشغال‌دان آزاد ائتمکله خالقا اؤز قانی و جانی حسابینا بؤیوک غلبه یاشادیب. آذربایجان خالقینین، دولتینین و عسگرینین بیرلیکده قازاندیغی بؤیوک غلبه اوزون ایللر اوردو قوروجولوغو استقامتینده آپاریلان اصلاحاتلارین نتیجه‌سی‌دیر. آذربایجانین قازاندیغی بو غلبه نه‌یی، نئجه و نه زمان ائتمیی گؤزل بیله‌ن مظفر عالی باش کوماندان ایلهام علیئوین اوغورلو سیاستینین، گوجلو اراده‌سینین و قطیعتینین نتیجه‌سیدیر.