۲۰ یانوار فاجعه‌سینین ۲۸-جی ایل دؤنومو ایله علاقه دار آذربایجانین لیوانداکی سفیرلیینین دسته یی ایله بو اؤلکه‌نین «آل-جومهورییه» قزئتینده و اؤلکه‌نین اساس خبر سایتلاریندان بیری اولان «جدار نیوس» خبر پورتالیندا مقاله‌لر درج ائدیلیب.

آخار. آذ خبر وئریر کی، مقاله‌لرده ۱۹۹۰-جی ایل یانوارین ۲۰-ده سووئت اوردوسونون موختلیف ایستیقامتلردن باکییا هوجوم ائد‌رک، چوخلو سایدا دینج اهالینی قتله یئتیردیی بیلدیریلیب، دینج ساکینلره قارشی تؤره‌دیله‌ن وحشیلیکلرین خالقین آزادلیق عزمینی قیرا بیلمه دیی قئید اولونوب.

یازیلاردا او واخت سووئت رژیمینین رهبرلیینده اولان م. قورباچووون امری ایله حیاتا کئچیریلمیش و مقصدی آذربایجان خالقینین موستقیللیک آرزوسونو قان ایچینده بوغماق اولان حربی عملیات نتیجه‌سینده ۱۳۰-دان چوخ اینسانین قتله یئتیریلدیی، ۷۰۰-دن چوخ اینسانین ایسه یارالاندیغی وورغولانیب. آذربایجان خالقینین موستقیللیک اوغروندا جانلارینی فدا ائتمیش ایگید اؤولادلارینی اونوتمادیغی و هر ایل ۲۰ یانوار فاجعه‌سی شهیدلرینین مزارلارینی زیارت ائتدیی قئید اولونوب.

مقاله‌لرده اؤلکه رهبرلیینین حیاتا کئچیردیی مودریک سیاست و اصلاحاتلار نتیجه‌سینده معاصر آذربایجانین سرعتله اینکیشاف ائد‌رک، رئگیوندا لیدر دؤولته و بین الخالق میقیاسدا ثابت و اعتبارلی طرفداشا چئوریلمه‌سیندن بحث اولونوب.

عینی زاماندا، آذربایجان رسپوبلیکاسینین لیوانداکی سفیرلیگی طرفیندن لیوان خاریجی ایشلر ناظیری و دیگر ناظرلیکلره، اجتماعی قوروملارا، مطبوعات واسطه‌لرینه و اؤلکه‌ده آککردیته اولونموش خاریجی دیپلوماتیک نماینده‌لیکلره ۲۰ یانوار فاجعه‌سینین ۲۸-جی ایل دؤنومونه دایر پرسس-رلیز و بیانات تقدیم ائدیلیب.