یاپونییانین اوساکا شهرین‌ده کئچیریلن گ-۲۰ توپلانتی‌سیندا خصوصی اولاراق هانسیسا راضیلاشما اولمادی. عمومیتله، حساب ائدیره‌م کی، بئله ساممیتلر ساده‌جه دؤولت لیدرلرینین بیرلیکده و آیریلیقدا فیکیر مبادیله‌سی آپارمالاری اوچون تشکیل اولونور.

آخار. آذ خبر وئریر کی، بو سؤزلر یاپونییانین اوساکا شهرین‌ده باش توتان سامیتله باغلی «اطلس" آراشدیرمالار مرکزینین تحلیلین‌ده اؤز عکسینی تاپیب. تحلیل‌ده ترامپ، پوتین و اردوغانین ایکیطرف‌لی گؤروشلری آنالیز اولونوب:

«آمریکانین چین و روسییا ایله مناسیبتلری گرگین‌دیر. واشینگتن هم پکینه، هم ده موسکوایا قارشی سانکسییالاری سرتلشدیریر. آمریکا پرزیدنتی دونالد ترامپ اوساکادا هم چین، هم ده روسییا لیدری ایله آیریلیقدا گؤروشدو و نتیجه‌لردن راضی قالدی. البته، بو ایکیطرف‌لی گؤروشلر درین پروبلملری حل ائتمه‌دی و ائتمه‌یه‌جک. اما اورتام نیسبتا ده اولسا، یومشالدی. ترامپ اوساکا ساممیتیندن ثمره‌لی ایستیفاده ائد‌رک یولوستو کورئیایا دا باش چکدی و شیمالی کورئیانین لیدری ایله فیکیر مبادیله‌سی آپاردی».

تحلیل‌ده بیلدیریلیب کی، پوتین ده ایکیطرف‌لی گؤروشلرده آکتوال مؤوضوعلاری موذاکیره ائتدی:

«مثلاً، سکریپال اولایینا گؤره موسکوا ایله لوندون آراسین‌دا موناسیبتلر سویوقدور و اوزون مدت ایدی کی، ایکی اؤلکه آراسیندا رسمی تماسلار مؤوجود دئییلدی. پوتین اوساکا گؤروشو اؤنجه‌سی اولجه اینگیلتره‌نین نفوذلو قزئتینه مصاحیبه وئردی. همچینین، یاپونییادا اینگیلترینین باش ناظری تئرئزا مئیله گؤروشدو. دوغرودور، تئرئزا مئی آرتیق وظیفه‌سین‌دن گئدیر و بو اونون سونونجو ساممیتی ایدی. بونا باخمایاراق، پوتین مئیله گؤروش‌دن یایینمادی. یئری گلمیشکن، پوتینین اینگیلتره قزئتینه وئردیی موصاحیبه‌ده دئدیی «ساتقینلار جزالانمالیدیر» فیکری دولاییسی ایله اونا ایشاره‌دیر کی، سکریپال موسکوا طرفین‌دن جزالاندیریلیب. بون‌دان بیر نئچه ایل اول ایسه لوندوندا عینی اصول ایله دیگر «ساتقین» لیتویننکونو جزالاندیریلمیشدی».

تحلیل‌ده اوساکادا باش توتان ساممیتین تورکییه اوچون اؤنمیندن بحث ائدیلیب:

«اوساکاداکی ساممیت تورکییه جمهورباشقانی رجب طیب اردوغان اوچون ده واجیب ایدی. ترامپ اردوغانلا گؤروشده دئدی کی، آمریکانین تورکییه‌یه واختیله «پاتریوت» راکتلرینی ساتماماسی کئچمیش پرزیدنت باراک اوبامانین گناهی‌دیر. دیگر واجیب مقام ایسه اوندان عبارت ایدی کی، ترامپ تورکییه‌یه قارشی سانک‌سییا تطبیق ائتمیجیینی بیان ائتدی. دئیه‌سه‌ن، آغ ائو صاحبی آنکارانی سیخیش‌دیرماق ایستمیر. البته، ترامپین دئدیکلری او دئمک دئییل کی، آمریکا تورکییه‌یه قارشی تضییق سیاستین‌دن ال چکه‌جک. بونا باخمایاراق، ترامپین آچیقلامالاری اردوغانین آرقومنتینی گوجلندیردی. ائله تک بونا گؤره اوساکا ساممیتینی تورکییه اوچون فایدالی حساب ائتمک اولار».