تورکیه سلاح‌لی قوه‌لرینین تقاعدده اولان بریقادا گنرالی، حربی استراتگ، آنالیتیک و یازیچی عثمان قاضی کاندمیر قاراباغین اشغالدان آزاد ائدیلمه‌سی ایله باغلی مختلف شخصلرین سوسیال شبکه‌لرده‌کی قیجیقلاندیریجی ادعالارینا جواب وئریب.

Axar.az تورک گنرالین سوسیال شبکه‌ده‌کی پایلاشیمینی اولدوغو کیمی تقدیم ائدیر:

توپ، توفنگ، عسگر... هامیسی بیر یئره قدردیر.

قاراباغ ظفرینین آرخاسینداکی اصل گوج آذربایجان خالقیدیر!

او خالق تخمیناً ۲۷ ایل بویونجا قاراباغین آجیسینی یاشادی. اونوتمادی. شعرلر یازدی، رومانلار یازدی، ماهنیلار اوخودو، بسته‌له‌دی.

خصوصیله قادینلار او آجینی دایم جانلی ساخلادیلار.

شهیدینی اونوتمادی، ایتیردیی تورپاغین قوخوسونو هر زمان حس ائتدیلر.

همین آنالارین بؤیوتدویو اوغوللار عسگر اولدولار.

اونلار قاراباغ اوغروندا ووروشماق اوچون آند ایچدیلر.

یاشلی ضابطلر استثنا اولماقلا، شهیدلرین اکثریتی قاراباغ اشغال ائدیلدیکدن سونرا دنیایا گلمیشدیلر. اونلار هئچ واخت قاراباغی گؤرمه‌میشدیلر.

اما قاراباغ اونلارین وطنی ایدی.

و اونلار وطنلری اوغروندا شهید اولدولار.

اگر آذربایجان خالقی قاراباغی اونوتسایدی، حکومت ده اونو اونودا بیلردی.

غلبه‌نی قانی ایله قازانان آذربایجان عسگریدیر. اما همین عسگری بؤیودن، اونو محاربه‌یه گؤندرن و ۲۷ ایل عرضینده قاراباغی یادداشیندا یاشادان آذربایجان خالقیدیر.

بونا گؤره ده قاراباغ غلبه‌سینی یالنیز دؤیوش میدانیندا آختارماق ناتمام اولاردی.

آذربایجان و تورکیه بیر ملت، ایکی دولتدیر.

ایکی دولتین بیرلیی ایکی دولتین جمعیندن داها بؤیوک بیر گوجدور.

آذربایجان تورکیه‌دن نه قدر گوج آلیرسا، تورکیه ده آذربایجاندان او قدر گوج آلیر.

بعضا بو گوج مادی، بعضا معنوی اولور.

البته کی، قارداشلار بیر-بیرینی دستکله‌ییرلر.