تهرانین اوین حبسخاناسیندا ساخلانیلان ملی فعال و سیاسی محبوس عباس لسانی‌نین خسته‌خانایا یئرلشدیریلمه‌سینه اجازه وئریلمه‌ییب و اختصاصلاشمیش معالیجه‌یه چیخیشی باره‌ده مراجعتلر هله ده جواب‌سیز قالیب.

Axar.az خبر وئریر کی، بو باره‌ده انسان حاقلاری تشکیلاتلاری معلومات یاییب.

معلوماتا گؤره، حبسخانانین حکیمی لیسانی‌نین اختصاصلاشمیش معاینه‌لره احتیاجی اولدوغونو تصدیقله‌سه ده، حبسی‌نین ۱۱-جی آیی عرضینده اونون بو قانونی حقوق‌دان استفاده‌سینه امکان وئریلمیر.

بیلدیریلیب کی، عباس لسانی‌نین بئل دیسک خسته‌لییی اولدوغونا گؤره بیر نئچه دفعه عملیات اولونوب. بونا گؤره ده، حبسخانادان قیراق خسته‌خانادا معالیجه اولونماماسی و تعیین اولونموش درمان و علاوه‌لردن محرومیت، هابئله حبسخانا شرایطی اونون فیزیکی پروبلئملرینی و آغریلارینی داها دا آرتیریب.

قید ائدک کی، عباس لیسانی ۲۰۲۵-جی ایل نویابرین ۱۱-ده تهران‌دا اوین حبسخاناسی‌نین قارشی‌سیندا آجلیق آکسییاسی کئچیره‌ن آذربایجانلی محبوس فعاللارا دستک اوچون اوتوراق آکسییا کئچیردیی واخت حبس ائدیلیب.

تهران انقلاب محکمه‌سینین ۲۸-جی شعبه‌سی اونو "ملی تهلوکه‌سیزلییی پوزماق مقصدی ایله گروپ یاراتماق و اونا رهبرلیک ائتمک" و "ملی تهلوکه‌سیزلییه قارشی جنایت تؤرتمک اوچون توپلاشماق و البیر اولماق" اتهاملاری ایله عمومی‌لیک‌ده ۱۵ ایل حبس جزاسینا محکوم ائدیب.