گونئی آذربایجاندان اولان بیر گروپ سویداشیمیز سهند پارتییاسینین رسما فعالیته باشلادیغینی اعلان ائدیبلر.

بو باره‌ده Axar.az-آ پارتییادان بیلدیریلیب.

«سهند پارتییاسی اؤز مرامنامه و نظامنامه‌سینی بیان ائد‌رک، پلورالیست لیبرال-دموکراتییا پرینسیپلرینه اساسلانان معاصر بیر سیاسی تشکیلات کیمی رسمی فعالیته باشلادیغینی اعلان ائدیر. پارتیا اؤز موجودلوق فلسفه‌سینی، ایندیکی ایران جغرافییاسیندا اون‌ایللیکلر بویو تطبیق ائدیله‌ن ایستروکتور ظلمونه و سیستماتیک آیری-سئچکیلییه قارشی شعورلو بیر جواب اولاراق دیرلندیریر»، - معلوماتدا قید اولونوب.

پارتیا اؤزونون اساس مقصد و هدفلرینی ده آچیقلاییب:

- اؤز مقدراتینی تعیین‌ائتمه حقوقو: بو حقوقون بیرلشمیش ملتلر تشکیلاتی نظامنامه‌سی و بین‌الخالق ملکی و سیاسی حقوقلار پاکتی اساسیندا رئاللاشماسینین وورغولانماسی؛

- آذربایجان تورکچه‌سینین رسمیلشدیریلمه‌سی: بو دیلین جنوبی آذربایجان اراضی‌سینده تام و مستثنی رسمی، انضباطی و تحصیل دیلی اولاراق برقرار ائدیلمه‌سی؛

- دنیویلیک: دین تاسیساتینین سیاسی ایستروکتوردان تام آیریلماسی، فردی آزادلیقلارین، گئییم و حیات طرزی سئچیملرینین قورونماسی؛

- آزاد بازار اقتصادیاتی: دولت انحصارلارینا سون قویولماسی، اؤزل ملکیتین تامین ائدیلمه‌سی و طبیعی ثروتلردن الده اولونان گلیرلرین ایلک نؤوبه‌ده رگیونون انکشافینا صرف اولونماسی؛

- قانونون عالی‌لیی و حاکمیت بؤلگوسو: حاکمیتین اوچ قانادینین قطعی بؤلونمه‌سی و حربی/تهلوکه‌سیزلیک قوروملاری اوزرینده ملکی رسمیلرین تام نظارتینین قورولماسی.

پارتیا رهبرلییندن بیلدیریلیب کی، تشکیلاتین سون مقصدی دینج ملکی مبارزه و بین‌الخالق دیپلماتیا واسطه‌سیله مرکزیتچی مستملکه سیستمینه سون قویماق، جنوبی آذربایجاندا ملی، مستقل و دموکراتیک بیر دولت ایستروکتورو قورماقدیر.