آنا صحیفه گوندم |
مدافعه ناظیرلیینین و تورکییهنین آذربایجان سفیرلیینین بیرگه تشکیلاتچیلیغی ایله باکینین آزاد ائدیلمهسینین ۱۰۱-جی ایلدؤنومو مناسیبتی ایله یوروش کئچیریلیب.
مدافعه ناظیرلییندن وئریلهن معلوماتا گؤره، تورکییه و آذربایجان رسپوبلیکالارینین دؤولت بایراقلاری، ائلجه ده خالقیمیزین عموممیللی لیدری حیدر علیئوین، تورکییه جمهوریتینین قوروجوسو مصطفی کمال آتاتورکون و نورو پاشانین پورترتلری ایله بزدیلمیش آوتومبیل کاروانی «ن» نمرهلی حربی حیصهدن قوبوستان رایونونداکی آجیدره تورک شهیدلیینه یولا دوشوب.
یولبویو گنجه قارنیزونو ایدئولوژی و مدنیت مرکزینین سار سسیازما آوتومبیلی واسطهسیله تورکییه و آذربایجان خالقلارینین ظفر مارشلاری، دوستلوق و قارداشلیق ماهنیلاری سسلندیریلیب.
یئرلی ساکینلر یوروش ایشتیراکچیلارینی آلقیشلارلا قارشیلاییبلار. یوروش ایشتیراکچیلاری باکینین آزاد ائدیلمهسینین ۱۰۱-جی ایلدؤنومو مناسیبتیله ۱۰۱ عدد آذربایجان رسپوبلیکاسینین و ۱۰۱ عدد تورکییه رسپوبلیکاسینین دؤولت بایراقلارینی داشیییبلار.
آجیدره تورک شهیدلیگی زیارت اولونوب. عابده قارشیسینا مدافعه ناظرلیگی و تورکییهنین آذربایجان سفیرلیگی آدیندان اکلیللر قویولوب. شهیدلرین خاطرهسی احتیراملا یاد ائدیلیب. حربی اورکئسترین مشایعتی ایله هر ایکی اؤلکهنین دؤولت هیمنلری ایفا اولونوب.
مدافعه ناظیرلیینین ظابطی، امکدار اینجه صنعت خادیمی، پرزیدنتین فردی تقاعدچوسو پولکوونیک عبدالله قوربانی آنیم مراسیمینی آچاراق ۱۵ سنتیابرین ۲۰-جی عصر آذربایجان تاریخینده شرفلی بیر گون اولدوغونو بیلدیریب.
قید اولونوب کی، ۱۰۱ ایل اؤنجه آذربایجان و تورک عسگرلری باکینی آزاد ائدرک آذربایجان تاریخینه شانلی بیر صحیفه یازیبلار. آذربایجاندا ارمنیلرین و بولشئویکلرین باکی و اطراف رایونلارداکی آغالیغینا بیردفهلیک سون قویولوب. اؤزونون سون درجه آغیر دورومدا اولماسینا، آوروپا دؤولتلرینین تورک قوشونلارینین آذربایجانا گلمهسینه اعتراض ائتمهسینه باخمایاراق عثمانلی تورکییهسی قارداش آذربایجانین اراضی بوتؤولویونو تعمین ائتمک مقصدیله نورو پاشانین کوماندانلیغی ایله آذربایجانا حربی قوهلر گؤندریب.
۱۹۱۸-جی ایل آوقوست-سنتیابر آیلاریندا عثمانلی تورکییهسی اؤز تاریخی میسسییاسینی اوغورلا یئرینه یئتیرهرک آذربایجان کورپوسونون دؤیوشچولری ایله بیرلیکده باکی و اطراف رایونلاری آزاد ائدیبلر. محض بو ظفر یوروشو ایکی گون سونرا آذربایجان خالق جمهوریتینین پایتاختینین گنجهدن باکییا کؤچورولمهسینه زمین یارادیب.
آنیم مراسیمینده وورغولانیب کی، آذربایجان موستقیللیک ایللرینده دینامیک سرعتله اینکیشاف ائدرک گوجلو و قدرتلی اؤلکهیه چئوریلیب. آذربایجان-تورکییه قارداشلیغی بو گون ده ان یوکسک سوییهدهدیر. بو دوستلوق و قارداشلیق سارسیلمازدیر، ابدیدیر. بیز بو ترققی اوچون، بو گونکی خوشبخت، فیراوان حیات اوچون گئنیش سینهلرینی وطنیمیزه، خالقیمیزا توشلانان گولهلره سیپر ائدن قهرمان شهیدلریمیزه میننتداریق.
بؤیوک مصطفی کمال آتاتورکون «آذربایجانین سئوینجی بیزیم سئوینجیمیز، کدری بیزیم کدریمیزدیر. آذربایجان بیزیم قارداشیمیزدیر»، اولو اؤندر حیدر الیئوین ایسه «بیز بیر میللت، ایکی دؤولتیک. بو، بیزیم دوستلوغوموزون، قارداشلیغیمیزین معناسینی، مزمونونو تشکیل ائدیر» کلاملاری ایله چیخیشینا باشلایان تورکییهنین آذربایجانداکی فؤوقهلاده و سلاهیتلی سفیری ارکان اؤزورال ایسه دئییب:
«بیزیم دوستلوغوموز، قارداشلیغیمیز چوخ عصرلیک تاریخی عنعنهلره آرخالانیر. بیزیم ددهلریمیز-بابالاریمیز دار گونده بیر-بیریلرینین هارایینا چاتیبلار. بیر سنگرده عمومی دوشمنه قارشی بیرلیکده مجادیله آپاریبلار. بیز چاناققالا ساواشیندا شهید اولان آذربایجانلیلاری، جمهوریت قوروجولوغو عرفهسینده آذربایجانین گؤستردیی قارداش کمکینی هئچ واخت اونوتموروق. بیز همیشه سیزین یانینیزداییق. بین الخالق تدبیرلرده آذربایجان نمایندهسی یوخدورسا، بیز واریق، بیزیم نمایندهمیز یوخدورسا، سیز وارسینیز. بیز بیر میللت، ایکی دؤولتیک».
سفیر دقته چاتدیریب کی، ۱۵ سئنتیابردا باکینین قورتولوشو نینکی آذربایجانلیلار، حتی آنادولو تورکلری اوچون ده اولدوقجا بؤیوک حادثهدیر. آذربایجانین موستقیللیگی تورکییه تاریخی اوچون ده اؤنملی دؤنوش نقطهسیدیر. بو گونون هم تورکییه، هم ده آذربایجان خالقلاری طرفیندن بیرگه، تنطنهلی شکیلده کئچیریلمهسینین اساس مقصدی ۱۰۱ ایل اؤنجه باش وئرهنلری خالقا آنلاتماق، خصوصیله ده گلهجک نسیللره هانسی سببدن بیر یئرده، قارداش اولدوغوموزو، تاریخیمیزده نلرین باش وئردیینی چاتدیرماقدیر. بیز بوتون حقیقتلری خالقا چاتدیرمالیییق. اونلار تورکون تاریخینده اوتانیلاجاق هئچ بیر شئیین اولمادیغینی اؤیرنملیدیرلر.
تاریخ
2019.09.15 / 17:14
|
مولف
Axar.az
|