روسیا پرزیدنتی ولادیمیر پوتین مصاحبه‌سین‌ده روس اوردوسونون کوپیانسک شهریندن ۲،۵-۵ کیلومتر آرالی‌دا اولدوغونو بیلدیریب. پروبلم اوندادیر کی، هم روسیا پرزیدنتی، هم ده باش قرارگاه رئیسی والری گراسیموو اوللر دفعه‌لرله کوپیانسکین اله کئچیریلدیینی بیلدیرمیشدیلر.

Axar.az خبر وئریر کی، بو باره‌ده کرملینه یاخین‌لیغی ایله بیلینن «کرملیووسکایا تاباکرکا» تلگرام کانالی یازیب.

«کرملین‌ده‌کی منبع‌لر بیلدیریر کی، پرزیدنت پوتین گراسیمووون دئییل، باشقا منبع‌لردن جبهه‌ده‌کی وضعیتله باغلی معین معلوماتلار آلماغا باشلاییب. پوتین گویا باش قرارگاه رئیسینه اعتبار ائدیر، لاکین قوشونلارین داواملی غلبه‌لر و یئنی شهر و قصبه‌لرین اله کئچیریلمه‌سی فونوندا نیه بو قدر یاواش ایر‌لیله‌مه‌سیندن تعجب‌لنیر. پرزیدنت حقیقتاً ده آنلاماق ایستییر کی، جبهه‌ده نه باش وئریر. او، سون واختلار حربچیلرله داها تئز-تئز علاقه ساخلاییر، اونلاری کرملینه دعوت ائدیر. گؤرونور، اونلارین وئردیی معلوماتلار باش قرارگاهین وئردیی معلوماتلاردان خیلی فرقلنیر»، - کانال بیلدیریب.