آمریکا و ایران آراسیندا بو هفته سونو ایسوئچره‌ده برپا ائدیلمه‌سی پلانلاشدیریلان دانیشیقلار گرگینلیین آرتماسی و طرفلر آراسیندا قارشی‌لیقلی هجوملارین یئنیدن باشلاماسی سببیندن تاخیره سالینیب.

Axar.az خبر وئریر کی، بو باره‌ده "وال استریت ژورنال" قزئتی منبعلره استنادن معلومات یاییب.

معلوماتا گؤره، سون گونلرده حربی توققوشمالارین آرتماسی دانیشیقلار محیطینه جدی شکلده تأثیر گؤستریب و دیپلماتیک پروسسین داوام ائتدیریلمه‌سینه مانع اولوب.

طرفلر داها اول ایلکین راضیلاشما چرچیوه‌سینده دانیشیقلاری داوام ائتدیرمه‌یه و گرگینلیی آزالتماغا حاضر اولدوقلارینی بیان ائتمیشدیلر، لاکن سون حادثه‌لر بو دانیشیقلارین پرسپکتیوینی جدی غیر معینلیکله اوز-اوزه قویوب.

معلوماتلی منبعلرین بیلدیردیینه گؤره، بو دانیشیقلارین برپاسی اوچون هله‌لیک دقیق بیر واخت اعلان ائدیلمه‌ییب و دیپلماتیک پروسسین داوامی رئال شرایط‌دن و گرگینلیین آزالماسیندان آسیلیدیر.