ریاضین ایکی ان بؤیوک نفت اعمالی زاوودونون تکجه درونلارلا یئرله-یئکسان ائدیلمه‌سی ایناندیریجی گؤرونمور.

بو سؤزلری Axar.az-آ آچیقلاماسین‌دا پولیتولوق قابیل حسین‌لی سعودییه عربیستانین‌دا نفت اعمالی زاوودلارینین ایران طرفین‌دن پارتلادیلماسی باره‌ده اتهاملاردان دانیشارکه‌ن دئییب. او، آمریکانین بونونلا باغلی ثبوتلاری اولدوغونو بیلدیریب:

«بو حادثه نتیجه‌سین‌ده ار-ریاددا نفت اعمالی موسسه‌له‌لرینین گوجو یاری-یارییا آشاغییا دوشوب. آمریکا کشفیاتی گؤستریر کی، همین نگتاییرما زاوودلارینین هر ایکی‌سینی ایران ووروب. ایران ایسه اتهاملاری رد ائد‌رک دئییر کی، حادثه‌نی یمن‌ده‌کی حوثیلر تؤردیب و اونلارین ایرانا عایدیتی یوخ‌دور. آمریکا حتی ثبوتلاری سعودییه عربیستانینا وئردیینی ادعا ائدیر و بیلدیریر کی، زاوودلارین وورولما آنی سماداکی حربی کاراکترلی پیکلر طرفین‌دن قیده آلینیب. اوسته‌لیک، همین نگتاییرما زاوودلارینا هم ده راکئتلر آتیلدیغی بیلدیریلیر. چونکی تکجه درون مسئله‌سی ایله ایکی بؤیوک زاووددا بؤیوک یانغینلار تؤرتمک مومکون اولمازدی.

بونا جواب اولاراق، آمریکا ایرانین ایکی بؤیوک نفت آییرما زاوودونو سیرادان چیخاراجاغینی بیان ائدیب. یعنی همین زاوودلار آرتیق هدفه گؤتورولوب و آمریکا سعودییه عربیستانی ایله دانیشیقلارین نتیجه‌لرینی گؤزلییر کی، همین زاوودلارا جواب ضربه‌سی ائندیرسین. وضعیتی قیزیش‌دیران مقاملاردان بیری ده اوندان عبارت‌دیر کی، ایران سلاح‌لی قوه‌لرینین باش کومان‌دانی آمریکانین ایرانا مخصوص زاوودلاری ووراجاغی تقدیرده آمریکانین قطرده‌کی و اماراتداکی ایکی حربی بازاسینی و هرمز بوغازین‌داکی طیاره‌داشییان گمی‌سینی سیرادان چیخاراجاغینی آچیقلاییب.

ایران سلاح‌لی قوه‌لرینین باش کومان‌دانی همچینین، ایرانین ۲ مین کیلو متر مسافه‌ده اولان اراضیلره نظارت ائتدیینی و هر هان‌سی بیر موداخیله اولارسا، جاواب تدبیری گؤره‌جکلرینی سؤیله‌ییب.

ظنیمجه، وضعیت کیفایت قدر گرگین‌دیر. ایران طرفینین دئدیکلری حقیقتی عکس ائتدیرمیر. یقین کی، سعودییه عربیستانی ایله آمریکا ایرانین ایکی نفت آییرما زاوودونو سیرادان چیخاراجاق. چوخ تئزلیکله بئله بیر حادثه‌نین شاهیدی اولا بیلریک».