ارمنیستان‌دا «علیئوین پاشینیانا توتارلی جوابی» سرلؤحه‌لی مقاله‌نی درج ائتدیره‌ن «آئلی» («آینا») سایتینین باش رداکتورو آنژئلا تووماسیانین اوفیسینه باسقین اولوب.

آخار. آذ خبر وئریر کی، بو یاخینلاردا باش ناظر نیکول پاشینیانین طرفدارلارینین پارلامنت‌ده ایستعفاسینا سس وئردیکلری کونستیتوسییا محکمه‌سینین صدری قرایر تووماسیانین ژورنالیست باجیسی آنژئلا تووماسیان حکومت‌دن بو مقاله‌یه و قارداشینین مؤوقعینه گؤره تعقیبلره سون قویولماسینی طلب ائدیب. او علاوه ائدیب کی، باش ناظرین طرفدارلارینین اونو «قاراباغ علیهینه» فعالیت‌ده اتهام ائتمه‌لری ده گولونج‌دور. ژورنالیست قادینین اوفیسینه باسقین ائد‌نلر مقاله‌نی درج ائتمیش "هایئلی. آم" قزئتینین ده باغلانیلماسینی طلب ائدیبلر.

«آئلی» («آینا») سایتینین باش رئداکتورو و ائینیادلی مطبوعات کلوبونون رهبری اولان آنژئلا تووماسیان ژورنالیستلره اؤزونون ایروانین مرکزین‌ده‌کی اوفیسینه باسقین تشکیل ائدیلدیینی و بو اینسیدنتین اونو و قارداشینی قورخوتماق مقصدی داشیدیغینی بیلدیریب. او قید ائدیب کی، حاکمیتین اؤیرتدیی دؤرد نفر بینانین شوشه‌لرینه یومورتا آتیب و دیوارلارا پلاکاتلار یاپیشدیریبلار. بو ایرنج حرکتلری همین بینادا یئرلشه‌ن «قراپاراک» قزئتینین مخبیری ویدئویا چکیب.

ژورنالیست قادین دئییب کی، اوفیسه باسقین ائدیلمه‌سی اونون ژورنالیست فعالیتی و قارداشینین حاکمیتین قانون‌سوز قرارلارینا اعتراض ائتمه‌سی ایله علاقداردیر. اونون سؤزلرینه گؤره، پاشینیانین طرفدارلاری بیر نئچه دفعه اونون عائله‌سینه و اؤزونه خبردارلیق مئساژلاری گؤندریبلر. آ. تووماسیان اینسیدنتی تؤره‌دنلرین جزالاندیریلماسینی طلب ائدیب.

خاطیرلاداق کی، پاشینیانین «منیم آددیمیم» پارلامنت فراکسییاسی کونستیتوسییا محکمه‌سی صدرینین صلاحیتلرینه خیتام وئریلمه‌سی باره‌ده سس وئرمه کئچیریب و قراری تصدیق ائدیلمه‌سی اوچون محکمه‌نی عضولرینه گؤندریب.