آنا صحیفه گوندم |
آمریکا کنگرسینین نمایندهلر پالاتاسینین قوندارما ارمنی سویقیریمی و تورکییهیه سانکسییالاری احتیوا ائدن قراری ۱۹۷۴-جو ایلده تورکییهیه تطبیق ائدیلهن سانکسییالارین عینیدیر.
بو سؤزلری آخار. آذ-آ آچیقلاماسیندا آوروپا. اینفو سایتینین باش رئداکتورو، پولیتولوق روسلان بشیرلی دئییب. او بیلدیریب کی، ۱۹۷۴ -جو ایلده تورکییه آمریکانین بوتون تضییقلرینه رغما کیپر باریش حرکاتی حیاتا کئچیرمیش و کیپرلی تورکلری سویقیریمدان خلاص ائتمیشدی.
«ایندی ایسه تورکییه آمریکا و آوروپانین بوتون تضییقلرینه رغما سرحدلری یاخینلیغیندا بیر ترور دؤولتی قورولماسینا ایزن وئرمدیینی اورتایا قویدو و «صولح چشمهسی» (باریش پیناری) حرکاتی ایله ایلک مرحلهده ترور کریدورونو اورتادان قالدیردی».
پولیتولوقون سؤزلرینه گؤره، بو، اساساً، آمریکا، ایسرایل و فرانسانی ممنون ائتمیر:
«چونکی آدی چکیلهن دؤولتلر بو اراضیده یاخین گلهجکده بیر ترور دؤولتینین، اوزاق گلهجکده ایسه «بؤیوک ایسرایل»این قورولماسینی پلانلاییرلار.
تورکییهنین بو عملیاتی ایسه اینگیلترهیه صرف ائدیر. چونکی ۲۰-جی عصرین اوللرینده بؤلگهنین خریطهسینی اینگیلیسلر چکیب، عثمانلی تورپاقلاریندا تاریخده اولمایان سورییا و عراق آدلی دؤولت قوروبلار. ایندی همین خریطهنین یئنیدن چکیلمهسینی ایستمیرلر».
پولیتولوقون سؤزلرینه گؤره، بعضیلرینین نمایندهلر پالاتاسینین تورکییهیه یؤنهلیک مورتجع قرارینی «دموکراتییایا» باغلاماق جهدلری اؤزونو گؤستریر:
«گویا آمریکا دموکراتییا اوچون «دلی دیوانه اولدوغوندان» تورکییهنی جزالاندیرماق ایستییر.
بو خیال-ناغیللاری بوراخماق لازیمدیر. ان آزیندان نمایندهلر پالاتاسینین قبول ائتدیی همین مورتجع سندی اوخویارکهن منظره اوزه چیخیر. همین سندده آچیق شکیلده یازیلیب کی، قوندارما ارمنی سویقیریمینین تانینماسی و سانکسییالار مسئلهسی تورکییهنین سورییادا پکک/یپگ ترور تشکیلاتینا قارشی حیاتا کئچیردیی عملیاتلا باغلیدیر. آداملار اؤزلری سندده ترور تشکیلاتینی مدافعه ائتدیکلرینی و تورکییهیه قارشی بو سببدن سانکسییا تطبیق ائتدیکلرینی یازیرلار. ساختا ارمنی سویقیریمی مسئلهسی غربده هر زامان آپرئل آیلاریندا قالدیریلیر. چونکی ساختاکار ائرمهنیلر ۲۴ آپرلی "سویقیریم" گونو اعلان ائدیبلر. ایندی، من بیلهن، آپرل آیی دئییل، نویابردیر. نه اجب نمایندهلر پالاتاسی اوکتیابر-نویابر آیلاریندا قالدیریر بو قوندارما مسئلهنی دئدییم کیمی، سندده بوتون بو سواللارا جواب وار. همین سندده آچیق شکیلده هم ساختا سویقیریم قطعنامهسینین، هم ده سانکسییالار حاقدا قرارین تورکییهنین پکک-یا قارشی حیاتا کئچیردیی «صولح چشمهسی» عملیاتی ایله باغلی اولدوغو یازیلیب. هر شئیی آدی ایله چاغیرماق لازیمدیر».
تاریخ
2019.11.02 / 18:09
|
مولف
Axar.az
|