اوکراینا روسیانین آپاردیغی محاربه‌نین ۲۰۲۶-جی ایلین قیشی باشلامازدان اول باشا چاتماسی اوچون هر شئیی ائد‌جک.

Axar.az خبر وئریر کی، بونو اوکراینا پرزیدنتی ولادیمیر زلنسکی کیئوده سفیرلرین مشاوره‌سی زمانی دئییب.

زلنسکی روسیانی ان قیسا زمان‌دا صلحه مجبور ائتمه‌لی اولان دقیق نوبتی آددیملار پلانینی آچیقلاییب:

«بو ایل سیزین وظیفه‌نیز اوکراینا حکومتینین طرفداشلارلا خاریجی علاقه‌لرینه ماکسیموم دستک وئرمک‌دیر. بوتون دیپلماتیک سعیلرین، اوکراینانین روسیایا قارشی اوزون مدت‌لی سانکسیالارینین و بوتون طرفداش سانکسیالارینین نه واخت ایشه یارایاجاغینی ۱۰۰% دقیق‌لیکله پروگنوزلاشدیرماق حاضردا ممکن دئییل. لاکین اونلار ائله بیر تضییق سویه‌سینه چاتمالیدیر کی، روسیانین صلح‌دن باشقا آلترناتیوی قالماسین. چالیشاجاغیق کی، بو، قیش گلممیش، پاییزدا باش وئرسین، لاکین کیمینله ایش گؤردویوموزو آیدین باشا دوشوروک و پوتین بو محاربه‌نی بوندان سونرا دا اوزاتماغا امید ائدیر. او، سفربرلیک و یئنی هجوملار حاضرلاییر».