دونیانین ۳۰-آ یاخین اؤلکه‌سین‌ده فعالیت گؤستره‌ن دیاسپور تشکیلاتلارینین تشببوسو و آلمانییا آذربایجان‌لیلاری آلیانسینین تشکیلاتچی‌لیغی ایله برلین شهرین‌ده‌کی براندنبورگ قاپیلاری یاخینلیغین‌داکی پاریس میدانین‌دا خوجالی سویقیریمینین ۲۸-جی ایل‌دؤنومو ایله علاقدار عموماوروپا قاراباغ میتینگی باشلاییب.

آخار. آذ خبر وئریر کی، آکسییایا آذربایجان، آلمانییا، نیدرلاند، مجاریستان، پولشا، ایسپانییا، ایتالییا، بلچیکا، ایسوئچ، لاتوییا، لیتوا، ائستونییا، چک رسپوبلیکاسی، آوسترییا، ایسوئچره، نوروژ، فینلاندییا، فرانسا، رومینییا، خورواتییا، بؤیوک بریتانییا، یونانیستان، مولدووا، اوکراینا، گورجستان، تورکییه، آمریکا، کانادا و بیر سیرا باشقا اؤلکه‌لرده یاشایان سویداشلاریمیز، ائلجه ده آذربایجانا دوست مناسیبتی بسله‌یه‌ن خالقلارین دیاسپورلارینین عضولرینین قاتیلیب.

خوجالی سویقیریمینین ۲۸-جی ایل‌دؤنومو عرفه‌سینده کئچیریله‌جک میتینگین ایشتیراکچیلاری «قاراباغ آذربایجان‌دیر!»، «بیز ترورا یوخ دئییریک!»، «آذربایجان عدالت طلب ائدیر!»، «خوجالییا بیگانه قالما!»، «دینج و گناهسیزلارین قاتیللرینه آر اولسون!»، «ارمنی یالانلارینا دور ده!»، «ایشغالی دایان‌دیرین!»، «قاراباغ حاقیمیزدیر!» کیمی شعارلارلا بین الخالق تشکیلاتلارا چاغیریش ائدیرلر.

آکسییا ایشتیراکچیلاری ۲۸ ایل اول ارمنیلرین خوجالی‌دا تؤرتدیکلری سویقیریمینا بین الخالق سوییه‌ده حقوقی-سیاسی قیمت وئریلمه‌سینی، ایشغال اولونموش آذربایجان تورپاقلارینین گئری قایتاریلماسی اوچون ارمنیستانا تضییق گؤستریلمه‌سینی، یورد-یووالارین‌دان دیدرگین دوشموش آذربایجان‌لیلارین پوزولموش حقوقلارینین برپاسینی، مناقیشه ایله باغلی معلوم بین الخالق سندلره ارمنیستانین رعایت ائتمه‌سینی طلب ائدیرلر.

میتینگ زامانی یئرلی ساکینلره، توریستلره ارمنیستان-آذربایجان داغلیق قاراباغ مناقیشه‌سینین آجی نتیجه‌لرینی، ارمنیستانین تجاوزکار سیاستی نتیجه‌سین‌ده آذربایجانین معروض قالدیغی مادی و معنوی ایتکیلری عکس ائتدیره‌ن بروشورلر پایلانیلیر.

میتینگده مین‌دن چوخ سویداشیمیزین ایشتیراکی گؤزلنیلیر. عموماوروپا قاراباغ میتینگینین سونون‌دا یئکون سندین قبولو و بیر سیرا بینلخالق تشکیلاتلارا عنوانلانماسی پلانلاشدیریلیب.

***

آلمانییا پایتختین‌دا بئرلین شهرین‌ده‌کی براندنبورگ قاپیلاری یاخینلیغین‌داکی پاریس میدانین‌دا دونیانین ۳۰-آ یاخین اؤلکه‌سین‌ده فعالیت گؤستره‌ن دیاسپور تشکیلاتلارینین تشببوسو و آلمانییا آذربایجانلیلاری آلیانسینین تشکیلاتچیلیغی ایله خوجالی سویقیریمینین ۲۸-جی ایلدؤنومو ایله علاقدار عموماوروپا قاراباغ میتینگی کئچیریلیب.

آکسییا ایشتیراکچیلاری «قاراباغ آذربایجان‌دیر!»، «بیز ترورا یوخ دئییریک!»، «آذربایجان عدالت طلب ائدیر!»، «خوجالییا بیگانه قالما!»، «دینج و گناهسیزلارین قاتیللرینه آر اولسون!»، «ائرمه‌نی یالانلارینا دور دئ!»، «ایشغالی دایاندیرین!»، «قاراباغ حاقیمیزدیر!» کیمی شعارلارلا بین الخالق تشکیلاتلارا چاغیریش ائدیبلر.