آنا صحیفه گوندم |
آذربایجانین توووز رایونونون یاشاییش منطقهلرینی اینتنسیو آتشه توتماسی نتیجهسینده بو گون ۷۶ یاشلی دینج ساکینین هلاک اولماسی فاکتینی اعتراف ائدن دوشمن ایندی ده شرفسیزجهسینه اؤزونه برات قازاندیرماغا چالیشیر.
آخار. آذ خبر وئریر کی، ارمنیستان رسمیلرینین ادعالارینا گؤره، آذربایجان اوردوسونون آرتیلرییا بؤلمهلری دوندار قوشچو کندیندن "قالخان کیمی" ایستیفاده ائدیر. دوشمن اؤلکهنین تمثیلچیلری دیگر آلچاق ادعالار دا سسلهندیریرلر. اونلار تاووش ویلایتینین کندلرینین آذربایجان اوردوسو طرفیندن آرتیلرییا و میناآتانلاردان آتشه توتولدوغونو ادعا ائدیرلر.
بو آرادا آذربایجان اوردوسونون نماییش ائتدیردیی قطیعتی نظره آلان ایشغالچی اؤلکه آتش نقطهسیندهکی اهالینی کؤچورمهیه حاضیلاشیر. فؤوق العاده حاللار ناظیرلیینین رهبری فئلیکس چولاقیان بو گون خیلاص ائدیجی خیدمتلرین شخصی هئیتی و اراضی بؤلمهلرینین رهبرلری ایله موشاویره کئچیریب. بیلدیریلیب کی، سون اوچ گون عرضینده ارمنیستانین همصرهد کندلری «آذربایجانین طرفدن آتشه توتولور». بونا گؤره ده ناظر ارمنیستان حاکمیتینین اهالینین اعتبارلی مدافعهسی اوچون بیر نئچه واریانت اوزرینده ایشلدیینی قید ائدیب. چولاقیانین سؤزلرینه گؤره، فهن زروری حاللاردا سرحدیانی بؤلگهنین اهالیسینین ائواکواسییاسینی حیاتا کئچیرمهیه حاضردیر.
معلوماتا گؤره، حاضردا بؤلگهدهکی کندلره قازین وئریلیشی دایاندیریلیب. بوتون بونلار ارمنیستان حاکمیتینین چیخیلماز حالدا اولدوغونو گؤستریر. عینی زاماندا استثنا دئییل کی، مکرلی دوشمهن دیگر تخریباتچی آددیملار دا پلانلاشدیریر. بونونلا دا آذربایجانی مولکی اهالینی هدفه آلماقدا گناهلاندیرماق، بین الخالق عالمه نؤوبتی دفعه شیکایت ائتمک ایستییر.
تاریخ
2020.07.14 / 21:03
|
مولف
Axar.az
|