آنا صحیفه گوندم |
غربی آذربایجان اجماسی آوروپا پارلامنتینین آوروپا بیرلیینی آذربایجانا قارشی سانکسییالار تطبیق ائتمهیه چاغیران قطعنامهسینی پیسلهییب.
Axar.az خبر وئریر کی، بو بارهده اجمانین بیاناتیندا بیلدیریلیب.
«عینی مرکزدن ایداره اولونان معلوم بدخاه خاریجی دایرهلر سون گونلر «اینسان حقوقلاری» بهانهسی ایله آذربایجانا قارشی سلیب یوروشلرینی اینتنسیولشدیرمیشدیر. آمریکا کنگرسینده و دولت دپارتامئنتی طرفیندن بو هفته آتیلمیش آنتیآذربایجان آددیملارین آردینجا آوروپا پارلامنتی ۲۵ آپرل تاریخینده غرض و بهتان دولو آکت قبول ائتمیشدیر. گویا آذربایجانلیلارین اینسان حقوقلارینین قیدینه قالان ایکیوزلو آوروپا پارلامنتاریلری سؤزوگئدن قطعنامه ایله آوروپا بیرلیینی آذربایجانا قارشی سانکسییالار تطبیق ائتمهیه چاغیرمیشدیر.
گؤرهسهن اؤتن ۳۰ ایلده ارمنیستان آذربایجان اراضیلرینی اشغال ائدیب یوز مینلرله آذربایجانلینی ائتنیک تمیزلهمهیه معروض قویاندا، ۳۰ مینه یاخین آذربایجانلینی قتله یئتیرهنده اونلارین حقوقلاری آوروپا پارلامنتینین یادینا نیه دوشموردو؟ ارمنیستانین اؤز اراضیسیندن قوودوغو ۳۰۰ مین آذربایجانلینین اؤز ائوینه قاییتماسینا امکان وئرمهمهسی و غربی آذربایجان اجماسینین دیالوگ چاغیریشینا محل قویماماسی آوروپا پارلامنتینی نیه هئچ ناراحات ائتمیر؟
بوتون بونلار اونو ثبوت ائدیر کی، آوروپا پارلامنتینین سون آددیملارینین اصل سببی اینسان حقوقلاری دئییل، آذربایجانین اؤز اراضی بوتولویونو برپا ائتمهسینی هزم ائده بیلمهمهسیدیر.
اگر آوروپا پارلامنتی سانکسییالار یولو ایله اینسان حقوقلارینی تشویق ائتمک ایستییردیسه، اوندا میلیوندان آرتیق آذربایجانلینین تمل حقوقونو پوزموش ارمنیستانا قارشی سانکسییالار تطبیق ائتمهیه چالیشمالی ایدی. غربی آذربایجان اجماسی آوروپا پارلامنتیندن آیری-سئچکیلیک سیاستیندن، رگیوندا وضعیتی گرگینلشدیرهن آددیملاردان و اینسان حقوقلاری کیمی عالی دیردن سوء-ایستیفاده جهدلریندن ال چکمیی و ارمنیستاندان قووولموش آذربایجانلیلارین قاییدیش حقوقونا حرمت ائتمیی طلب ائدیر»، - بیاناتدا وورغولانیب.
تاریخ
2024.04.26 / 12:36
|
مولف
Axar.az
|