تاوش ایستیقامتینده ۸ مؤقع تحویل وئریلیب، نوبتی مرحله‌ده گئقارکونیکین ۱۲ کندی و قافانین ۵ کندینین سرحدلرینین معینلشدیریلمه‌سی استقامتین‌ده آددیملار آتیلاجاق. قارداشیم اوغلونون خیدمت ائتدیی نویمبریان موقعین‌ده آرتیق آذربایجان بایراغی دالغالانیر.

Axar.az خبر وئریر کی، بو باره‌ده ارمنی پولکوونیک وولودیا هوهانیسیان دئییب.

اونون سؤزلرینه گؤره، ارمنیلر گئری چکیلیب:

«صحبت ۷-۹ کیلومترلیک حیصه‌دن گئدیر، کیلسه‌نین ساغین‌دا و سولوندا مینالار تمیزلنیر کی، آذربایجان‌لیلار مانعه‌سیز ایر‌لیله‌سین. آذربایجان بیر گوله بئله آتمادان ارمنیستانین ان گوجلو مدافعه خطلریندن بیرینی قیردی».

هوهاننیسیان قید ائدیب کی، ارمنی قوشونلار گقارکونیکده‌کی مؤقعلردن ده گئری چکلیلیب.

«حاضردا ۲۰۲۰-جی ایلده‌ن سونرا قورولان مینالار سرعتله تمیزلنیر، ائله ائدیرلر کی، سس-کوی اولماسین. بیر ده گؤرجییک کی، اورادا آذربایجان کندلری سالینیر. آذربایجان‌لیلار تکجه گقارکونیکه یوخ، ماسی‌سه ده گله‌جکلر»، - او ادعا ائدیب.

قید ائدک کی، بیر مدت اول حربی اکسپرت عدالت وردیئو قازاخ ایستیقامتینده مهم اهمیت کسب ائد‌ن حاکم یوکسکلیین قهرمان آذربایجان اوردوسونون نظارتینه کئچدیینی آچیقلامیشدی.