آنا صحیفه توپلوم |
تبریزده سیار میوه-تروز ساتیجیلاری ایله بلدیه و پلیس قوهلری آراسیندا قارشیدورما یاشانیب.
Axar.az خبر وئریر کی، بو بارهده یئرلی فعاللار معلومات یاییب.
قارشیدورما بلدیه مأمورلارینین تبریزین عباسی کوچهسینده میوه-تروز ساتانلارین ماللارینی مصادره ائتمهسیندن سونرا باش وئریب.
حادثه یئرینه چاغیریلان پلیس قوهلری بلدیه مأمورلارینا اعتراض ائدن ساتیجیلارا قارشی باتون و گؤزیاشاردیجی گازدان استفاده ائدیب.
بیر نئچه ساتیجی یارالانیب، اونلارا مخصوص ماللار اللریندن آلینیب.
بوندان سونرا سیار ساتیجیلار شرقی آذربایجان ایالتینین والیلیی قارشیسیندا اعتراض آکسییاسی کئچیریبلر.
اونلار علاقهدار دولت قوروملارینین سیار ساتیجیلارا فعالیت اوچون یئر آییرمادیقلارینا، تحقیرآمیز حرکتلرینه اعتراضلارینی بیلدیریبلر.
قید ائدک کی، اوخشار قارشیدورمالار سیار ساتیجیلارلا بلدیه مأمورلاری و پلیس قوهلری آراسیندا دفعهلرله باش وئریب.
بلدیه سیار ساتیجیلارا فعالیت اوچون خصوصی یئرلر آییرماق بارهده تدبیرلر گؤرمک پلانینین اولدوغونو دئسه ده، بو گونه کیمی بو، گئرچکلشمهییب.
تاریخ
2024.05.06 / 19:34
|
مولف
Axar.az
|