تبریزده یازی، ترجمه و قادین پروبلملری ایله باغلی اختصاصلاشمیش کتابخانانین آچیلیش مراسمی کئچیریلیب.

Kult.az خبر وئریر کی، بو باره‌ده یئرلی مدنی فعاللار معلومات یاییب.

"ائل بیلیمی" مدنی مرکزینین تشببوسو ایله تاسیس ائدیله‌ن کیتابخانانین آچیلیش مراسیمینده آذربایجان‌لی یازیچی، مدنیت خادیملری و ضیالیلار اشتراک ائدیب.

مراسیم‌ده چیخیش ائد‌ن "ائل بیلیمی" مرکزینین باشچی‌سی رضا صرافی بو کتابخانانین اؤز نوعو اوزره ایراندا ایلک اولدوغونو دئییب:

«آذربایجان خالقینین سیاستی همیشه مدنی مباریزه اولوب و آذربایجان قادینلاری بو مباریزه‌نین اؤن سیرالاریندا اولوبلار"،-صرافی بیلدیریب.

کتابخانا آذربایجان‌لی خانیم یازیچیلارین اثرلرینین نشری، یاییلماسی و باشقا دیللره ترجمه‌سی ایله مشغول اولاجاق.

آچیلیش مراسیمیندن سونرا بیر سیرا رادیکال دینی جریانلار و حاکمیته باغلی مئدیا تنقیدی یازیلار درج ائدیب.

مراسیم‌ده آذربایجان‌لی خانیملاردان بیر نئچه‌سینین مجبوری حجاب قایدالارینی پوزدوقلاری قاباردیلیب.

اونلار بونو بهانه ائد‌رک حاکمیت‌دن بو قورومون فعالیتینین یئنی‌دن گؤزدن کئچیریلمه‌سینی طلب ائدیبلر.

رادیکال دینی جریانلارلا یاناشی، رادیکال فارس میللت‌چی جریانا منسوب شخص و قوروملار دا اوخشار بیاناتلار یاییبلار.