۱۸۲۸-جی ایل فورالین ۱۰-دا تبریز یاخینلیغینداکی ترکمن‌چای کندین‌ده شاهزاده عباس میرزا ایله ژنرال پاسکویچ آراسیندا ۱۶ ماده‌لیک مقاویله ایمضالاندی.

مقاویله آذربایجانین اشتراکی اولمادان چار روسییاسی و ایران آراسیندا امضالانیب. تورکمنچای مقاویله‌سی آذربایجان تورپاقلارینین رسمی اولاراق ایکییه بؤلونمه‌سینین اساسینی قویدو. ایلک دفعه اولاراق شمالی آذربایجان و جنوبی آذربایجان ترمینلری اورتایا چیخدی. مستقیللیینی ایتیرن آذربایجان ایکی موختلف دولتین ترکیبینده فرقلی انکشاف یولونا قدم قویدو.

مقاویله‌نین شرطلرینه گؤره، ایران روسیایا ۲۰ میلیون گوموش روبل حجمین‌ده محاربه تضمیناتی اؤد‌مه‌لی، آراز چایینین سول ساحلین‌ده‌کی بوتون اراضیلردن ال چکمه‌لی، قفقازا اولان بوتون حاق و ادعالاریندان امتنا ائتمه‌لی ایدی. خزر دنیزینده حربی دونانما ساخلاماق یالنیز روسییایا شامیل ائدیلیردی.

۱۸۱۳-جو ایلده امضالانمیش گلستان مقاویله‌سینین داوامی اولان ترکمنچای مقاویله‌سی ایله آراز چاییندان شمالداکی و جنوبداکی آذربایجان تورپاقلارینین روسیا و ایران آراسیندا بؤلوشدورولمه‌سی پروسسی رسما باشا چاتدی.

محض بو مقاویله‌دن سونرا ارمنیلرین کوتلوی صورتده شمالی آذربایجان اراضیلرینه کؤچورولمه‌سینه باشلانیب. ۱۸۲۸-۱۸۲۹-جو ایللرده ایراندان ۴۰-۵۰ مین، تورکییه‌دن ۹۰ مین ارمنی عائله‌سی آذربایجانا کؤچورولوب.

۱۹۹۱-جی ایلده آذربایجان مستقیل‌لیک الده ائتدیک‌دن سونرا ترکمنچای مقاویله‌سینین آذربایجان اوچون حکمو آرادان قالخیب و مقاویله اؤز اهمیتینی ایتیریب.