گونئی آذربایجان‌لیلارین بروکسل‌ده مارتین ۲۵-ا نظرده توتدوغو «آزادلیق و عدالت یوروشو» یوکسک سوییه‌ده کئچدی.

بو سؤزلری Axar.az-آ یوروشون کووردیناسییا مرکزینین عضوو و آکسییا اشتراکچی‌سی الیار کامرانی دئییب.

«بیرینجی دفعه ایدی کی، گونئی آذربایجان‌لیلار آوروپادا بئله بیر آکسییا کئچیریردی. بو سبب‌دن ده بو قدر اینسانین اشتراک ائدجیینی تخمین ائدیردیک. میللی فعاللاریمیز، اینسانلاریمیز آکسیایا قاتیلدی. دوشونوره‌م کی، گؤزل بیر آکسییا اولدو. بئله چتین گونلرده ایلک تجروبه‌میز ایدی، آذربایجان میللی حرکاتی بو واختا کیمی آوروپا میدانین‌دا اولماییب. بو، بیزه بیر باشلانغیج اولدو کی، گلن گؤروشلرده بوندان داها طنطه‌نه‌لی آکسییالار کئچیرک. آوروپانین مختلیف یئرلریندن تورکلرین گلمه‌سی اونو گؤستریر کی، بیز بیرلییه دوغرو گئدیریک. اورادا سسلندیریلن سون قطعنامه‌ده ایستکلر بللی اولدو، آذربایجانلیلارین آرزوسونون آزادلیق، عدالت و میللی حکومت اولدوغونو گؤستردی. معلوم اولدو کی، اشتراکچیلار بو میتینگی چوخدان گؤزلییرمیشلر. هر کس ۴۰ گون عرضینده بو آکسییا باش توتسون دئیه، الیندن گلدیی قدر یاردیم ائتدی».

او، آکسییادا چیخیش ائد‌نلردن ده دانیشیب:

«آوروپا پارلامنتینین اؤنون‌ده صحنه قورولموشدو. اورادا گونئی آذربایجان‌دان سؤزچولر صالح کامرانی و شریفه جعفری، یوروشون کووردیناسییا کمیته‌سینین باشچیلاری محمود بیلگین، ائلدار قاراداغلی، همچینین هارای فتحی‌پور، بابک آزاد چیخیش ائتدیلر. ائلجه ده اوکراینا دیاسپوروندان و عربلردن نماینده‌لره سؤز وئریلدی. چیخیشچیلار آراسیندا قاشقاییلاردان روح‌اللا مرادی ده وار ایدی. آوروپا پارلامنتینین مشاویری ده دانیشدی، میتینگی و گونئی آذربایجانی دستکله‌دی، آکسییا تشکیلاتچیلارینا تشکر ائتدی. صاباح یوروشله باغلی مطبوعات کنفراسیمیز اولاجاق».