آذربایجان رسپوبلیکاسینین انسان حقوقلاری اوزره موکلی سبینه علیئوا ارمنیستان طرفیندن اسیر گؤتورولموش آذربایجان حربچیلرینین قانونسوز اولاراق آزادلیقدان محروم ائدیلمه‌لرینه اعتراض ائدیب.

آمبودزمان آپاراتیندان Axar.az-آ وئریله‌ن معلوماتدا قید ائدیب کی، ۲۰۲۳-جو ایل آپرل آیندا ناخچیوان مختار رسپوبلیکاسینین شاهبوز رایونونون ارمنیستانلا سرحدبویو اراضیسینده آذربایجان اردوسونون ایتکین دوشموش و ارمنیستان طرفیندن اسیر گؤتورولموش عسگرلری آقشین قابیل اوغلو ببیروو و حسین اهلیمان اوغلو آخوندووا قارشی ارمنیستاندا قورولموش ساختا «محکمه پروسسی»نی و آقشین ببیرووون قانونسوز اولاراق آزادلیقدان محروم ائدیلمه‌سینی کسکین شکیلده پیسلییریک.

اشتراکچیسی اولدوغو بین‌الخالق سندلرده تثبیت اولونموش نورمالارا ضد اولاراق آذربایجانلی حربی قوللوقچولاری قدارجاسینا ایشگه‌نجه‌لره معروض قویان ارمنیستان ایندی ده قوندارما "محکمه پروسسی" تشکیل ائتمکله، بین‌الخالق و پروسسوال نورمالاری کوبود شکیلده پوزاراق اونلاری قانونسوز اولاراق آزادلیقدان محروم ائدیب.

داها اول ارمنیستاندا حربی قوللوقچولاریمیزین قانونسوز حبسی ایله علاقه‌دار طرفیمیزدن بین‌الخالق و رگیونال تشکیلاتلارا مراجعت ائدیلمیشدیر. آذربایجان سلاحلی قوه‌لرینین حربی قوللوقچوسونون غیرانسانی رفتارا و زوراکیلیغا معروض قالماسی ایله باغلی ارمنیستان مدیاسیندا یاییملانمیش ویدئو و فوتولارین آراشدیریلماسی طلب اولونموش، بو مسئله ایله باغلی بین‌الخالق قیزیل خاچ کمیته‌سینین مرکزی و باکی افیسینه مکتوب عنوانلانمیشدیر.

ارمنیستان طرفیندن کئچیریلمیش قوندارما «محکمه پروسسی»نده وئریلمیش «قراری» عدالتسیز حساب ائدیر، آزادلیق حقوقونون کوبود پوزولماسینا سبب اولان بو قرارین بین‌الخالق حقوقون نورما و پرینسیپلرینه ضد اولدوغونو بیلدیریر، عسگرلریمیزین تئز بیر زماندا آزاد اولونماسینی طلب ائدیریک.

آذربایجان رسپوبلیکاسینین انسان حقوقلاری اوزره موکلی اولاراق، بوتون بین‌الخالق اجتماعیتی اسیرلیکده اولان حربچیلریمیزین تئزلیکله آزاد ائدیلمه‌سی اوچون ارمنیستانا جدی تأثیر و تضییق گؤستریلمه‌سینه، بین‌الخالق حقوقون نورما و پرینسیپلریندن ایر‌لی گلن تدبیرلرین گؤرولمه‌سینه دعوت ائدیره‌م.