گرمی و بیلسوواردا (گونئی آذربایجان‌دا) سل فلاکتی نتیجه‌سین‌ده پروبلملرله قارشیلاشان یئرلی اهالی اولدوقجا چتینلیک چکیر. بؤلگه‌ده ایچمه‌لی سو، ارزاق قیتلیغی یارانیب. فارس-ملا رژیمی ایسه علاج‌سیز قالان آذربایجان‌لیلاری گؤرمزدن گلیر.

بو سؤزلری Axar.az-آ میللی فعال قدیر جلیل‌اوغلو سئل‌دن سونرا اینسانلارین یاشادیغی چتینلیکدن دانیشارکه‌ن دئییب.

اونون سؤزلرینه گؤره، حکومتدن یاردیم آلمایان ساکینلر میللتین باشلادیغی یاردیم کامپانییاسی ایله آیاغا قالخماغا چالیشیر:

«ایران رژیمی سل و داشقینلاردان سونرا علاج‌سیز قالان اینسانلاردان نینکی یاردیمینی اسیرگییر، بزه‌ن خالق طرفین‌دن توپلانان یاردیملارین احتیاج صاحبلرینه یئتیشمه‌سینی انگللییر. بوتون سیخینتیلارا رغمن، آذربایجان خالقی بیرلیک نماییش ائتدیریر، اهالییه سو و ارزاق چاتدیرماغا چالیشیر. بو مقصدله ودود اسدی، محمد عینی، رضا ناصری، «تراکتور» فاناتلاری، میللی فعاللار یاردیم کامپانییالارینی داوام ائتدیریرلر. میللی فعاللار گونئی آذربایجان‌دا سئل‌دن اذیت چکن اینسانلاریمیزا کمک اوچون «وطن آدینا بیرلیک یاراشار»کامپانییاسی باشلادیبلار. بو کامپانییایا قوشولماق ایسته‌یه‌نلر گئرمی گاز قووشاغی، یونس تقی‌زاده گاراژینا گله بیلرلر».

فارس-ملا رژیمین‌دن جانا دویان اهالینین یئانه چیخیش یولو کیمی آذربایجان دؤلتینی گؤردویونو دئیه‌ن میللی فعال یئرلی ساکینلرین بونونلا باغلی سوسیال شبکه‌لرده پایلاشیملار ائتدیینی ده دقته چاتدیریب:

«گونئی آذربایجان میللتی ایللر بویو شاه و شیخ حکومتیندن ظلم و ایشگه‌نجه گؤروب. خالقیمیز بوتؤو آذربایجان اوغروندا بیرگه و واحید مباریزه آپاراراق بو ظلم‌دن قورتارماق ایستییر. وطن اوغروندا جان وئریب، بو اسارته سون قویماق لازیمدیر».