ایران آذربایجان‌دا سفیرلیک آچدیغی ایلک ایللرده سفیرلیک بیناسینین اوزرینه "ایران اسلام رسپوبلیکاسینین باکی‌داکی سفیرلیگی" سؤزو یازیلمیشدی. نئچه دفعه جهد ائتسک ده، بونو دییشمه‌دیلر. مکتوب و مراجعتلریمیزه جواب وئرمه‌یه‌ن ایران سفیرلیگی ال آلتیندان «بیز باکی رسپوبلیکاسینداییق»، «آذربایجانی تانیمیریق، بورا بیزیم اوچون شمالی ایران‌دیر» دئیه خبر گؤندریردیلر. اونلارین آداملاری واسطه‌سیله خبر گؤندردیک: «تهران‌دا ائله آکسییا حیاتا کئچیره بیلریک کی، ایران اؤز آدینی تمیزه چیخارا بیلمز». یوکسک سوییه‌ده ایشه قاریشیلدی و ایران سفیرلیگی گئری چکیلدی.

Axar.az خبر وئریر کی، بونو تاریخچی عالیم زائور علیئو دئییب.

عالیمین سؤزلرینه گؤره، سون ۱۰ ایلده ایران مئدیاسی آرابیر «باکی رسپوبلیکاسی» سؤزونو ایستیفاده ائتسه ده، آرتیق بیر ایلدیر بوتون سوسیال مئدیا و پلاتفورمالاردا، مطبوعاتدا بو ایفاده گئنیش یاییلیب:

«سون ایکی آیا ایسه آرتیق تحصیل سیستملرینده آذربایجانلی شاگیردلره زورلا «آذربایجان» سؤزونو پوزوب، «باکی رسپوبلیکاسی» یازماغی اؤیردیرلر. «باکی رسپوبلیکاسی» سؤزونو کوتلوی شکیلده تحصیل، علم و مئدیا دیلینه گتیریرلر. سیاسیلر هله جهد ائتمیرلر، اما سیاسی پارتییالارا تاپشیریق وئریلیب کی، تدریجا سندلرده «آذربایجان رسپوبلیکاسی» سؤزونو «باکی رسپوبلیکاسی» ایله عوض ائتسینلر. ایران بونو ائتمکله ۴۰ میلیونلوق سویداشیمیزین بئینینی یوماغا جهد ائدیر.

بو، چوخ جیلیز آددیملاردیر. بیز سیاسی اخلاق گؤستریب «ایران اسلام رسپوبلیکاسی» یازیریق، «قاجار دؤلتی» یازمیریق. اما دئیه‌سه‌ن، سهو ائدیریک. داها اخلاق سیاستی کنارا قویمالیدیر.

اولسون، تهرانا اؤز سلامیمیزی چاتدیراریق...»