اورمیا گؤلونون قوروماسینا اعتراضلارین آرتماسینا گؤره آذربایجانلی فعاللار ایران رژیمینین تهلوکه‌سیزلیک قوه‌لری طرفیندن تهدید اولونوب. سوسیال شبکه‌لرده باشلایان کامپانیادان احتیاط ائد‌ن رژیم ملی فعاللاری اطلاعات اداره‌سینه چاغیراراق، اونلاری حبس ائد‌جکلری ایله باغلی حده‌لییبلر.

بو سؤزلری Axar.az-آ گونئی آذربایجان جمهوریت پارتیاسینین صدری آراز آتاخان دئییب.

اونون سؤزلرینه گؤره، تهدید اولونانلارین اکثریتی تانینمیش ملی فعاللاردیر:

«اورمیا و تبریزده یاشایان فعاللارا ائودن چیخماماقلا باغلی گؤستریش وئریبلر. بعضیلرینی اداره‌یه چاغیریبلار، بعضیلرینه ده تلفونلا زنگ ائد‌رک حده‌لییبلر. اساس طلبلری ایسه بو اولوب کی، ملتی اورمو گؤلونون قوروماسی ایله باغلی چاغیریشلاردان چکیندیرسینلر. عکس حالدا نه‌اینکی ملی فعاللاری، حتی اونلارین عائله عضولرینی ده حبس ائد‌جکلرینی دئییبلر».