یانوارین ۹-دا الکترون قاندال وورولاراق حبسدن آزاد ائدیله‌ن آلمانیا وطنداشی ۶۹ یاشلی ناهید تقوی یئنی‌دن تهرانین ائوین حبسخاناسینا قایتاریلیب.

Axar.az خبر وئریر کی، بو باره‌ده اونون قیزی مریم کلارن معلومات یاییب.

او، آناسینین یئنی‌دن حبسخانایا قایتاریلماسینی اؤزباشینا آددیم حساب ائد‌رک، بونو «قانونسوز» آدلاندیریب. مریم کلارن خسته آناسینین سربست بوراخیلماسی اوچون حقوق مدافعه‌چیلریندن یاردیم ایسته‌ییب.

«ناهید تقوی شدتلی اویناق آغریلاری، دیسک ییرتیغی، یوکسک تضییق و شکر خسته‌لییندن اذیت چکیر. ایران حکومتی و محکمه سیستمی اونون حیاتینا گؤره مسئولیت داشییر"،- کلارن بیلدیریب.

قید ائدک کی، آلمانیا وطنداشی اولان ناهید تقوی ایرانا سفر ائتدیکدن سونرا ۲۰۲۰-جی ایلین اوکتیابر آییندا حبس ائدیلیب. او، سپاه تجریدخاناسیندا ایشگنجه‌یه معروض قالدیقدان سونرا ۲۲۰ گون تک‌آدام‌لیق کامرادا ساخلانیلیب.