جنوبی قفقازی قاریشدیرماق و اورادا صلحون، امین-آمانلیغین برقرار اولماسینی انگلله‌مک اوچون شر اتفاقی آدلاندیرا بیلجییمیز فرانسا، ارمنستان، هیندیستان، یونانستان کیمی اؤلکه‌لر و اونلارا یول گؤسترن آمریکا یئنی کیرلی اویونلار پلانالاشدیریر. بو معنادا یونانیستانین ارمنیستانلا حربی امکداشلیغی درینلشدیرمه‌سی، سلاح-سورسات و سیاسی دستک وئرمه‌سی، موزدلو دؤیوشچولر گؤندرمه‌سی آفینانین ۱۹۹۱-جی ایلده‌ن اعتباراً ایروانا گؤستردیی «قایغی»نین تظاهرودور.

بو سؤزلری Axar.az-ا یونانستانین ارمنستانلا حربی علاقه‌لرینی درینلشدیرمه‌سینین سببلری حاقین‌دا دانیشان تورکییه‌نین اؤلکه‌میزده‌کی کئچمیش حربی آتاشه‌سی، گنرال-لیتنانت یوجل کاراوز دئییب.

گنرال-لیتنانت تورکییه و آذربایجانین قورولان کیرلی پلانلارا سس‌سیز قالمایاجاغینی وورغولاییب:

«یونانستان سؤزوگدن آددیملاری هم تورکییه‌یه، هم ده آذربایجانا قارشی آتیر. تورکییه‌نین شرق‌ده، آذربایجانین ایسه غرب‌ده قونشوسو اولان ارمنستانین سلاحلاندیریلماسی هم یونانستانین، هم ده اونو ماشا کیمی ایستیفاده ائد‌ن اؤلکه‌لرین ماراقلارینا اویغوندور. بوتون بونلار عینی زاماندا روسییایا قارشی دا آتیلان آددیملاردیر. دولاییسی ایله بو، غربین ایکی اوزلولویونون، ایکیلی استاندارتلارین نوبتی تظاهرودور. اؤزونو گویا دموکراتیک آدلاندیران سادالادیغیمیز اؤلکه‌لر ارمنستانین صلح ماساسینا اوتورماماسی اوچون هر شئیی ائدیرلر. جنوبی قفقازدا صلحو تعمین ائده بیله‌جک دولتلر تورکییه، آذربایجان و روسییادیر. بو اوچ دولتین رد ائدجیی صلح پلانینین گئرچکلشمه‌سی ممکن دئییل. ایکینجی قاراباغ محاربه‌سی و ۲۴ ساعتلیق لوکال آنتی‌ترور عملیاتی تک ارمنیستانا قارشی یوخ، هم ده اونون آرخاسینداکیلارا قارشی آپاریلیب. اگر یئنه ارمنستان باشقالارینین فیتنه‌سی ایله حرکت ائتسه، تورکییه و آذربایجان دا درحال بونا قارشی بوتون آددیملاری تردد ائتمه‌دن قطیعتله آتاجاق. بونا هئچ کیمین شبهه‌سی اولماسین».