کورونوویروس پاندمییاسین‌دان سونرا خصوصی کارانتین رژیمی ایله علاقه‌دار آذربایجان رسپوبلیکاسینین قورو سرحدلرینین باغلانماسی، بونون سونراکی مرحله‌لرده داوام ائتمه‌سی ایرانلی ملالارین ناراحات‌لیغینا سبب اولوب.

بو گونه قدر دفعه‌لرله بو مسئله‌نی مئدیادا گوندمه گتیرن ایران طرفی پرزیدنت ایلهام علیئوین آدا اونیورسیتتین‌ده کئچیریلن «کوپ۲۹ و آذربایجان اوچون یاشیل باخیش» آدلی بین‌الخالق فورومداکی چیخیشیندان سونرا یئنیدن قیزیشیب.

بو دفعه آذربایجان‌دا آختاریشدا اولان و ایرانا سیغینان "حسینیون" ترور گروپلاشماسینین قم‌داکی دینی، سیاسی-ایدئولوژی مرکزلره، سپاه-آ باغلی سوسیال مئدیا کاناللاری مسئله ایله باغلی پایلاشیملار ائتمه‌یه، سرحدلرین باغلی قالماسیندان ناراحات‌لیقلارینی بیلدیرمه‌یه باشلاییبلار.

آدی‌چکیلن گروپلارلا یاناشی، دین خادیمی آدی آلتیندا آذربایجان رسپوبلیکاسینا قارشی سیاسی تبلیغات آپاران ملالار دا ایشه جلب اولونوب.

اونلار سرحدلرین باغلی قالدیغینا گؤره آذربایجان‌داکی مقدس یئرلری، او جمله‌دن «بیبی هئیبت» و «دیری بابا» زیارتگاهلارینی زیارت ائده بیلمه‌دیکلریندن درین ناراحاتلیق کئچیردیکلرینی ادعا ائدیب، بونون آذربایجان حکومتی‌نین اسلام و شیعه‌لییه قارشی مقصدلی پلانی کیمی دیرله‌ندیریبلر.

ایرانلی ملالار چیخیشلارین‌دا بیلدیریرلر کی، «بیبی هئیبت» زیارتگاهی و «دیری بابا" پیرین‌ده نماز قیلماق اوچون «بورونلارینین اوجو»، آذربایجانلی شیعه‌لرله اونسیتده اولماق اوچون «اورکلرینین باشی» گؤینه‌ییر.

«بوندان اول ایراندان آذربایجانا گئدنلر آراسیندا اسلام انقیلابینین بانیسی آیتوللاه خمینی‌نین و ایران رهبر سید علی خامنه‌ای‌نین ایدیالارینی، اصل شیعه ایدئولوگییاسینی آذربایجان وطنداشلاری آراسیندا یایان شخصلر اولوردو. «باکی حکومتی» (آذربایجان رئسپوبلیکاسینی آشاغیلاماق اوچون ایرانلی مللاباشلارین استیفاده ائتدیی ایفاده‌دیر – رئد.) سرحدلری باغلی ساخلاماقلا آذربایجاندا اسلام انقلابی، انقلابین بانیسی و عالی رهبرین ایدئیالارینین یاییلماسینین قارشی‌سینی آلماق ایسته‌ییر»، - پایلاشیملارین‌دا قید اولونوب.

بو پایلاشیم و یازیلاردان ایرانلی مللالارین سرحدلرین باغلی قالماسیندان اصل ناراحات‌لیقلارینین آذربایجان رسپوبلیکاسیندا سیاسی-ایدئولوژی تبلیغات امکانلارینین محدودلاشماسی اولدوغو معلوم اولور.

مسئله بوراسین‌دادیر کی، پرزیدنت «کوپ۲۹ و آذربایجان اوچون یاشیل باخیش» آدلی بین‌الخالق فوروم‌داکی چیخیشیندا قورو سرحدلرین باغلی قالماسینین یالنیز خصوصی کارانتین رژیمی ایله دئییل، هم ده میللی تهلوکه‌سیزلیک مسئله‌لری ایله باغلی اولدوغونو دئییب.

ایرانلی ملالار، قم‌داکی ترور گروپلاشماسی‌نین عضولری، اونلارین آفتافا آلوئری ایله مشغول اولان ال‌آلتیلاری ایسه پایلاشیم و چیخیشلاریندا اؤزلری بیلمه‌دن پرزیدنتین فکرلرینی تصدیق ائدیب، خصوصاً ایندیکی دؤورده ایرانلا قورو سرحدلرین آچیلماسینین آذربایجان اوچون یاخشی هئچ نه وعد ائتمیجه‌یینی اعتراف ائدیبلر.