آنا صحیفه گوندم |
"آزادلیق" رادیوسو قازاخلا سرحدده یئرلشن ارمنی کندیندن (اسکیپارا) رپورتاژ حاضرلاییب.
Axar.az خبر وئریر کی، رپورتاژدا یئرلی ارمنی ساکینلر یارانمیش وضعیتله باغلی اؤز فکرلرینی، هیجان و ناراحاتلیقلارینی افاده ائدیبلر.
اسکیپارا کندینین فدیا آدلی ارمنی ساکینی بیلدیریب کی، حیطینده تلفونو یاندیراندا خریطه بورانی آذربایجان اراضیسی کیمی گؤستریر.
اونون سؤزلرینه گؤره، سرحدلرین دلیمیتاسییاسی اولارسا، ائوینین گیریش قاپیسی، آنباری، چؤرک سخی آذربایجان اراضیسینه کئچهجک:
«هله ۷۰-جی ایللرده سووئت آذربایجانیندا ساوخوز صدری شخصاً بیزه اجازه وئردی کی، ائوین قارشیسینداکی یول بیزدن بیر قدر اوزاغا آپاریلسین».
آرتیوم آدلی باشقا بیر ارمنی ساکین ایسه بیلدیریب کی، اسکیپارادا ۸ عائله یاشاییر و اونلارین بعضیلرینین ائوینین شهادت نامهسی اولسا دا، بعضیلرینین سندلری یوخدور. اونلار ۹۰-جی ایللرده آذربایجان اهالیسی اسکیپارا کندی ایله بیتیشیک اولان آشاغی اسکیپارا کندینی ترک ائدندن سونرا بورادا مسکونلاشیب.
اونون سؤزلرینه گؤره، کاداستر شهادتنامهسی اولمادان ائوی و اراضینی اؤلچوبلر، عنوان، گاز، ایشیق و سو وئریبلر:
«شهادتنامه اوچون گئدنده وئره بیلمهیهجکلرینی دئدیلر. سبب اولاراق ایسه بورانین آذربایجان اراضیسی اولدوغونو گؤستردیلر».
ساکینلر نه اولور-اولسون کنددن، یاشادیقلاری ائولردن گئتمهیهجکلرینی بیلدیریبلر. حتی کند ساکینلرین اؤز حقوقلارینی بینالخالق قوروملارا چاتدیرماق اومیدی ایله امضا توپلاماغا باشلاییبلار.
همین رپورتاژی تقدیم ائدیریک:
تاریخ
2024.03.29 / 17:40
|
مولف
Axar.az
|