آنا صحیفه گوندم |
ارمنستان قازاخین آنکلاو اولمایان ۴ کندینی قایتارماقلا بیر مسلهنی ده آکتواللاشدیرماغی پلانلاشدیریر: سرحدلرین دئلیمیتاسییاسیندا ۱۹۹۱-جی ایل آلما-آتا بیاننامهسینه اساسلانماق؛
ایروان بونونلا بیر نئچه هدفه چاتماغی حسابلاییر:
- دلیمیتاسییا پروسسینده کئچمیش خریطهلری گوندهمدن چیخارماق؛
- دلیمیتاسییانی س.س.ر-ی داغیلاندا موجود اولان خطره اویغون آپارماق؛
- «گوزگو پرنسیپی»نی قبول ائتدیرمک و آذربایجان قوشونلارینین ۴۴ گونلوک محاربهدن سونرا چیخدیغی استراتژی یوکسکلیکلردن گئری چکیلمهسینه نایل اولماق؛
دئلیمیتاسییا کومیسیالارینین راصیلاشماسینا بو مسئله داخیل ائدیلیب: «طرفلر راضیلاشیبلار کی، اونلار دئلیمیتاسییا پروسسینده ۱۹۹۱-جی ایل آلما-آتا بیاننامهسینه اساسلاناجاقلار. طرفلر، همچینین همین بازا پرینسیپینی اساسنامه لاییحهسینده تثبیت ائتمک بارهده راضیلیغا گلیبلر». بئلهلیکله، ارمنستان دئلیمیتاسییا پلانیندا بو راضیلاشمانی استنادا نقطهسی کیمی استفاده ائتمک ایستهییر.
رسمی باکی بونو بیلدیی اوچون راضیلاشمایا مهم بیر علاوه داخیل ائدیب. راضیلاشمانین «دئلیمیتاسییا پروسسینده آلما-آتا بیاننامهسینه اساسلاناجاق» حیسهسینده قید اولونور کی، «اگر گلهجکده آذربایجان رسپوبلیکاسی ایله ارمنستان رسپوبلیکاسی آراسیندا صلحون و دولتلراراسی مناسبتلرین قورولماسی حاقیندا سازیشده باشقا جور قرارا گلینرسه، او زامان اساسنامهنین موافیق بندی بو سازیشله معیینلشدیریلمیش پرنسیپلره اویغونلاشدیریلاجاق».
بو او دئمکدیر کی:
۱. دلیمیتاسییا پروسئسینده آلما-آتا بیاننامهسی قازاخین کندلرینین قایتاریلماسی مسئلهسینده کئچرلیدیر، سرحدین دیگر حیصهلرینین معیینلشمهسینده قوهدن دوشه بیلر؛
۲. «گوزگو پرنسیپی» – قوشونلارین گئری چکیلمهسی مسئلهسی قبول ائدیلمیر؛
۳. آذربایجان کئچمیش خریطهلری - سووئتلشمه دؤورونده ارمنستانا باغیشلانمیش اراضیلریمیزله باغلی مسلهنی آکتوال اولاراق ساخلاییر؛
۴. صلح سازیشی متنینه دئلیمیتاسییانین کئچمیش خریطهلره اساسلانماسی مسئلهسی داخیل ائدیله و بو راضیلاشمانین «آلما-آتا بیاننامهسینه اساسلانماسی» بندی دییشدیریله بیلر؛
راضیلاشمایا بو قیدین داخیل ائدیلمهسی ارمنستانین دئلیمیتاسییا پلانیندا «استناد نقطهسی»نی الیندن آلیر.
تاریخ
2024.04.20 / 10:24
|
مولف
Axar.az
|