آنا صحیفه گوندم |
ایرانین شیراز شهرینده تشکیل ائدیلهن شنلیکده ۲۹ هکیمین ایسپیرتلی ایچکیدن زهرلندیی، بیر قادین هکیمین اؤلدویو، خئیلیسینین کومایا دوشدویو حاقدا معلومات یاییلیب.
ایلک دفعه دئییل ایراندا ایسپیرتلی ایچکیدن اؤلوم حالی باش وئریر. اما بو دفعه هکیملرین - هم ده قادین هکیملرین ده ایچکی ایچدیی، ایلهنجه مجلیسلرینده ایشتیراک ائتدیی اوزه چیخدی.
امین اولا بیلرسینیز کی، ایراندا تکجه هکیملر دئییل، حاکملر، ائله «ابالی-چالمالی» موللالار آراسیندا دا آراق ایچنلر آز دئییل.
بو تیپ اینفورماسییانی ایزلهیهنلر بیر مقاما دا یقین دقت ائدیبلر. کی، بو جور اؤلوم حاللاری، ایچکیدن زهرلهنمهلر و یاخود ائیش-ایشرتلر داها چوخ فارس ایالتلرینده باش وئریر. شیراز – فارس ایالتینین مرکزیدیر و ان پیسی ده اودور کی، ایرانین دینی مرکزی ساییلان قومدان دا تئز-تئز بئله خبرلر گلیر.
بو، ایران رئژیمینین ماهیتیدیر: داخیلده اینسانلارین باش اؤرتوسونه قاریشان، «اخلاق پولیسی»نین سایینی آرتیران رئژیمین اوست طبقهسینده تمثیل اولونانلارین اؤولادلاری، نوهلری میلیاردلارلا سروتله آوروپا اؤلکهلرینده ائیش-ایشرت ایچینده یاشاییرلار. آیتوللاهلارین هانسی «اخلاقی دیرلر داشیییجیسی» اولماسی ایسه بیر آیری عالمدیر – اوشاقبازلیقدان توتموش سیغه ایله رسمیلشدیریلهن اخلاقسیزلیغا قدر، بؤیوک بیر «تجروبهسی» وار ایرانین. تصادفی دئییل کی، بو اؤلکهده «هوموسئکسوال» دئیه خاریجی آدلا آدلاندیردیغیمیز، تورکجه قارشیلیغینی هله تاپمادیغیمیز مفهومون ۵۲ قارشیلیغی وار. یعنی بو تفککور نینکی فارسلارا یاخیندیر، هم ده تاریخی زنگیندیر، او قدر کی، «نؤولره» بؤلوبلر و موختلیفلیکلرینه گؤره ۵۲ آدلا آدلاندیریرلار.
اینسانلارین یاشام طرزینه موداخیله ائدیب، بو قدر محدودیتلر یاراداندا و قاداغالار تطبیق ائدنده بو ایرنجلیکلر داها ائیبجر فورمادا کؤک آتیر.
بو رئژیم سرعتله چورویور، دئقراداسییایا اوغراییر و دوغروسو، ایندییه قدر آیاقدا قالماسی سادهجه معجزهدیر.
بو جور رئژیملرین محوی اوچون ۶۰ ایل تاریخی ماکسیمومدور – نئجه کی، سسری-نین ۶۰ ایلدهن سونرا جدی شکیلده دئقراداسییایا اوغرادیغی اوزه چیخدی و جدی سیلکهلهنمهلر باشلادی، ۷۰-جی ایلده ایسه اؤلدو. سسری-نین ۷۰ ایل یاشاماسینین سببی ۱۹۴۱-۴۵-جی ایل ساواشی اولدو. بو ساواش رئژیمی «یئنیلدی»، آنجاق یئنه ده محاربهدن سونرا جمعی ۴۵ ایل عؤمور سوره بیلدی.
یعنی رئژیمی یارادان بیرینجی نسله ایکینجی نسلین اعتراضی «قاداغالاری تاپداماق»لا باشلاییر، ۳-جو نسیل ایسه قاداغانین اونیللرله یاراتدیغی ائنئرژینی پوسکوروب، رئژیمی قورانلاری «لاوا»نین آلتیندا قویور.
ایراندا شاه رئژیمی ۵۴ ایل دؤزه بیلدی – باخمایاراق کی، داها آچیق بیر جمعیت ایدی.
سسری قورولاندان ۱۷ ایل سونرا ساواشا گیرمیشدی، ایران رئژیمی ۱ ایلدهن سونرا ایراقلا محاربهیه باشلادی.
ایراقلا ساواش ۳۶ ایلدیر بیتیب.
تاریخی قانوناویغونلوقلا ایران رئژیمینین اؤمرونه نه قدر قالیب سیزجه؟..
تاریخ
2024.04.29 / 15:08
|
مولف
شئیخ تئیمور
|