آنا صحیفه گوندم |
دهلیزین آچیلماسی تکجه روسییا یوخ، هم ده آذربایجان، تورکییه و آمریکانین ماراغینا اویغوندور. ایلکین مرحلهده بونونلا باغلی مثبت بیاناتلاری آوروپا بیرلییی وئرمیشدی. اونلارین بو مسئلهده ارمنستانا مالییه باخیمیندان کؤمک ائدجیینه دایر فیکیر ده وار ایدی. گؤروروک کی، دهلیز مسئلهسینین قارشیسیندا دوران و اونو قبول ائلمهین تکجه ایراندیر.
بو سؤزلری Axar.az-ا سابق خارجی ایشلر ناظری توفیق زلفقاراو زنگزور دهلیزی ایله باغلی سون واختلار بللی گوجلرین آکتیولشمهسینی شرح ائدرکن دئییب.
پولیتولوگ بیلدیریب کی، تهرانین موقعیینین کونکرت اولاراق ندن عبارت اولدوغونو آنلاماق چتیندیر:
«بعضا دئییرلر کی، دهلیز هانسیسا کنار قوهلرین نظارتینده اولمامالیدیر. فاکتیکی اولاراق ایسه ۱۹۹۲-جی ایلدهن بو بؤلگه روس سرحدچیلرین نظارتی آلتیندادیر و بونا قارشی ایرانین هئچ بیر اعتراضی ایله قارشیلاشمامیشیق. دیگر سرگیلنن مؤقع ایسه گویا کی، تهرانین «توران-ناتو دهلیزی»نه قارشی اولماسیدیر».
ت.زولفقاراو زنگزور دهلیزی ایله باغلی حاضردا روسییانین جدی فعاللیق گؤسترمهسینه دقت چکیب:
«کرمل بو دهلیزه روسییا فدرال تهلکه سیزلیک خدمتینین سرحد خیدمتینین نظارت ائتمهسینی ایستهییر. مخلیف مؤقعلر اولدوغو اوچون بونونلا باغلی تماسلار داوام ائدیر».
او، روسییانین کوممونیکاسییا مسئلهسینده ایرانین موقعیینی دستکلهدیی ایله باغلی خبرلره ده مناسبت بیلدیریب:
«ماراقلیدیر: روسییا ایرانین هانسی موقعینی، هانسی حده، هانسی حیصهسینی دستکلهییر؟ بو حاقدا معلومات یوخدور. اونا گؤره ده گؤزلیک و باخاق گؤرک، بونون نتیجهسی نئجه اولاجاق! دانیشیقلار گئج، یا تئز دیگر اؤلکهلرین مؤقعلرینه اویغونلاشاجاق. چونکی ایرانین اعتراضی اوچون هئچ بیر اساس یوخدور».
پولیتولوگ قید ائدیب کی، ایراندا دهلیز موضوعسونون داها چوخ داخیلی سیاسی مسئله ایله علاقهدار اولدوغونو دوشونور:
«دهلیز مسئلهسیندن بیر بهانه کیمی استفاده اولونور. حاضردا ایرانا رهبرلیک ائدن مختلیف قوهلر تزه آدمینیستراسییانین فورمالاشماسیندا بیر-بیری ایله رقابت آپاریر. بو مسئلهده سپاه-ین دا موقعیی تئز-تئز قاباردیلیر. اما بیلیرسینیز کی، سپاه تئهراندا هانییهنین اؤلدورولمهسیندن سونرا تنقید آتشینه توتولور. گوندهمی دییشدیرمک اوچون ده زنگزور دهلیزی مسئلهسی آکتواللاشدیریلیب. بو باخیمدان، عمومی پروسئسی مثبت دیرلندیریرم. پراکتیکی شکیلده دهلیزین آچیلماسی آرتیق داها رئالدیر».
روسییا تهلکهسیزلیک شوراسینین کاتیبی شویقونون آوگوست و سنتیابر آییندا ایرانا ایکی دفعه سفر ائتمهسینه، عینی زاماندا ایران تهلکهسیزلیک شوراسینین کاتیبی احمدیانین سانکت-پطربورگا گئتمهسینه توخونان اکسپرتین فیکرینجه، بو دانیشیق و تماسلارین گوندهمی اولدوقجا گئنیشدیر:
«روسییا ایراندان هانسیسا سلاحلارین آلینماسیندا ماراقلیدیر. دیگر طرفدن، گویا روسییانین دا اؤز نوبهسینده ایرانا چاتیشمایان هانسیسا تکنولوگییانی وئرمهیی وعد ائتدیینه دایر معلوماتلار وار. بورادا بعضی راکت تکنولوگییالاریندان صحبت گئدیر. چونکی ایران بعضی تکنولوگییالاردان محرومدور و بو موضوعیا چوخ بؤیوک اؤنم وئریر. نتیجه اولاراق روسییانین وضعیتیندن استیفاده ائدیب، بو تکنولوگییالاری الده ائتمکده ماراقلیدیر. اولا بیلر کی، زنگزور موضوعسو بو مسئلهده ایران طرفیندن آلوئر کیمی استیفاده اولونور. عمومیلیکده ایرانین بو وضعیته، پروسئسلره تأثیر امکانلاری چوخ محدوددور. دیپلوماتیک آلوئرده ایران بو مسئلهیه دیگر بیر مؤقع سرگیلهمهیه راضی اولاجاق».
تاریخ
2024.09.20 / 14:35
|
مولف
آیتاج آراز
|