بیر خبر اوخودوم. دوغولدوغوم قاراچؤپده محمد پیغمبرین و شیعه‌لرین ۶-جی امامی جعفر صادقین مولود گونو قید اولونوب.

سهو ائتمیرم‌سه، «مولود گونو» - دوغوم گونودور، محمد پیغمبر ایسه ۲۰ آپرئل ۵۷۱-جی ایلده مکه‌ده دوغولوب، ۸ ایون ۶۳۲-جی ایلده مدینه‌ده وفات ائدیب.

امام جعفر صادق ده ۲۰ آپرئل ۷۰۲-جی ایلده دوغولوب، ۱۶ دکابر ۷۶۵-جی ایلده زهرلنه‌رک اؤلدورولوب. مدینه‌ده دوغولوب، ائله همین شهرده باقی قبیرستانلیغیندا اؤز آتاسینین یانیندا دفن اولونوب.

بس سنتیابر آییندا پیغمبرین و جعفر صادقین مولود گونو نئجه اولا بیلر؟

دینی سیاسته آلت ائتمک، سئچکی‌ده اینانجلی انسانلارین سسینه گؤره بو جور تدبیرلر ائتمک ائتیک دئییل.

آیریجا، قاراچؤپ تورک تؤره‌لرینی یاشادان، تورک روحونو داشییان ان قدیم-قاییم ائللریمیزدن بیری‌دیر. بو بؤیوک و آدی-سانی اولان ائلده هله بیر دفعه ده اولسون شیعه-سنی مسئله‌سی اولماییب، اولمایاجاق دا! سببی ایسه اودور کی، بو ائل دینین گتیردیی قایدالارلا یوخ، قدیم تورک تؤره‌لریله یاشاییب، یاشاییر.

اونا گؤره ده قاراچؤپلولره، دیرلی ائل-اوباما سسلنیرم: ایرانین بو ائله آیاق آچماسینا، بورادا دین آدی آلتیندا اؤز چیرکین سیاستینی یئریتمه‌سینه اصلا اجازه وئرمه‌یین! بیز هر زامان آتالاریمیزدان بونو گؤرموشوک: «دین ایچینده دین بسلمه‌میشیک».

کیمسه بیزه نه دینیمیزی اؤیره‌ده بیلر، نه ده میللی کیملییمیزی. سن قاییم-قدیم بیر ائل-اوباسان. سن قاراچؤپ‌سن!

بیر باخ گؤر، ایراندا هئچ سنین عظمتینده، سنین صاحب اولدوغون دیرلرده بیر ائل-اوبا وارمی، قالیبمی؟ باخمایاراق کی، اورادا سنین ژنیندن، قانیندان اولان ۴۰ میلیونلوق بیر تورک وارلیغی وار. اما اورادا بوتون دیرلری اونلارین اللریندن آلیبلار، اونا گؤره یوخدور. ایندی ده سنین دیرلرینه توخونماغا گلیر، اونو سندن آلماق ایسته‌ییر. بونا اصلا اجازه وئرمه! اسلامی دا اؤیره‌ن، کیتابینی دا اوخو، اماملارین فیکیرلرینی ده بیل. اما سنی اؤز حالال چؤریینله وورماغا، اؤز آزادلیغینی یاد فیکیرلرین بوخووونا چئویرمه‌یه امکان وئرمه!