آنا صحیفه توپلوم |
بو گون، عینی زاماندا، قاراباغ اونیورسیتهسینین آچیلیشیدیر. بو آچیلیش ایستهنیلن گونده اولا بیلردی. اما حساب ائتدیم کی، ۲۰ سنتیابردا اولسا، داها دوزگون اولار. چونکی بو، آرتیق شانلی تاریخیمیزدیر.
Axar.az خبر وئریر کی، بو سؤزلری پرزیدنت ایلهام علیئو قاراباغ اونیورسیتهسینده طلبهلرله گؤروشو زامانی دئییب.
"حساب ائدیرهم کی، قاراباغ اونیورسیتهسینین یارادیلماسی تاریخی حادثهدیر و کئچهن ایلین نویابریندا موافق سرانجام امضالاندی. سونرا من بورایا باش چکدیم. آرتیق منیم بورایا اوچونجو گلیشیمدیر و بوتون گؤستریشلر وئریلدی، علم و تحصیل ناظرلییی تئزلیکله بوتون لازیمی تدبیرلری گؤردو. دئمک اولار کی، بینا یئنیدن قورولدو. بو بینا سووئت دؤورونده آذربایجان معمارلاری، انشااتچیلاری طرفیندن انشا ائدیلمیشدی. اشغال دؤورونده بونو ارمنیلشدیرمک اوچون معین ایشلر گؤرولموشدو. او علامتلر ده تامامیله سیلیندی. بینانین اؤنو آچیلدی، گؤزل بیر پارک یارادیلدی. ماستر-پلان حاضرلاندی، یعنی گلهجک ایللرده، یقین کی، نوبتی اوچ ایلده یئنی تدریس کورپوسلاری انشا ائدیلهجک. گؤزل یاتاقخانا یارادیلدی، بو گون تانیش اولموشام. ان اؤنملیسی گنجلر، یعنی طلبهلر بورایا بؤیوک هوسله گلمهیه باشلادیلار. ایندی منه معلومات وئریلدی کی، ۱۲۰۰ طلبه وار. اؤلکهمیزین هر بیر بؤلگهسیندن طلبه وار. یوکسک بال توپلایان، او جملهدن ۶۰۰-دن چوخ بال توپلایان طلبهلر بیزیمله گؤروشده اشتیراک ائدیرلر و بورایا بؤیوک هوسله گلمیشلر. معلم هئیتی ده فورمالاشدی. بیلیرم کی، معلملر ده بؤیوک هوسله بو ایشه باشلاییرلار و اومید ائدیرهم کی، قاراباغ اونیورسیتهسی بیزیم آپاریجی آلی مکتبلردن بیرینه چئوریلهجکدیر. بونو ائتمک اوچون بوتون امکانلار وار. ایندی وئریلن معلوماتا گؤره، آرتیق آلتی فاکولته یارادیلیب. نوبتی ایللرده طب فاکولتهسی ده یارادیلاجاق. خوجالیدا آقرار علملر فاکولتهسی، شوشادا توریزم فاکولتهسی فعالیت گؤسترهجک. یعنی، بو، بیر نئچه شهری بیرلشدیرهن اونیورسیته اولاجاق. البته کی، قاراباغا قاییداجاق کئچمیش کؤچکونلر، اونلارین اوشاقلاری بورادا اوخویاجاق و اؤلکهمیزین هر بیر یئریندن گنجلر بورایا گلهجکلر"، - پرزیدنت بیلدیریب.
تاریخ
2024.09.20 / 16:05
|
مولف
Axar.az
|