سطیرلر آراسیندا اولان هر شئیی دقتله اینجه‌له‌یه‌رک بئله نتیجه‌یه گله بیلریک کی، تورکییه طرفی زنگزور دهلیزی مسئله‌سینی یئنی‌دن گونده‌مه گتیریب، ارمنستان ایسه بونا «صلح قووشاغی» ایله جواب وئریب.

Axar.az خبر وئریر کی، بو باره‌ده تورکییه‌ده‌کی ارمنی قزئتی «آگوس» اردوغانلا پاشینیان آراسیندا نیو یورکدا کئچیریلن گؤروشو شرح ائدرکه‌ن قید ائدیب.

«بو کونتکستده ایرلیلییش اولوب-اولمادیغینی آنلاماق چتیندیر. آنجاق ویدئوگؤرونتولره باخاندا دئیه بیلریک کی، اردوغان پاشینیانا «داها عدالتلی دنیا ممکن‌دور» کتابینی هدییه ائد‌نده گؤروشون اولینده اوزلرده‌کی گرگین افاده دییشیب. حتی ارمنستان‌دا هدیه اولاراق کتاب آلان پاشینیانین الهاملی سیماسی تنقید موضوع‌سونا چئوریلیب»، - قزئت بیلدیریب.

نشر وورغولاییب کی، تورکییه اردوغان-پاشینیان گؤروشونون تورک ائوینده کئچیریلمه‌سینی دیپلماتیک اوغور حساب ائتدیینی قید ائدیر و آنکارانین یایدیغی بیاناتدا محض اردوغانین پاشینیانی قبول ائتدیینی خصوصی وورغولانیر.

«گؤروشدن سونرا هئچ بیر تفرعات وئریلمه‌ییب، یالنیز بیلدیریلیب کی، طرفلر دانیشیقلاری ایلکین شرط اولمادان داوام ائتدیره‌جکلر. بونونلا بئله، تورکییه ارمنستان-آذربایجان مناسیبتلرینین نظاملانماسیندان سونرا ارمنستان-تورکییه مناسیبتلرینین نورماللاشماسینین آسانلاشاجاغینی بیلدیریر. بو، آرتیق ایلکین شرط‌دیر»، - یازیدا قید اولونوب.