گونئی آذربایجانلی وکیل و حقوق مدافعه‌چی‌سی محمدرضا فقیهی حبس جزاسینا محکوم ائدیلیب.

Axar.az خبر وئریر کی، بو باره‌ده اونون وکیلی زهرا مینویی معلومات یاییب.

اونون سؤزلرینه گؤره، تهرانین انقلاب محکمه‌سینین ۱۵-جی بؤلمه‌سی فقیهینی ۵ ایل آزادلیقدان محروم ائدیب.

"اؤلکه‌نین ملی تهلوکه‌سیزلیینه ضربه وورماق مقصدیله توپلاشماق و البیر اولماق"دا اتهام اولونان آذربایجانلی وکیل باره‌ده علاوه جزالاردا وئریلیب.

بئله کی، محمدرضا فقیهی حبس جزاسینی چکدیکدن سونرا ۲ ایل مدتینه وکیللیک فعالیتی گؤستره، اؤلکه‌دن چیخا، سیاسی تشکیلات و گروپلارا عضو اولا بیلمز.

قید ائدک کی، تهران‌دا یاشایان اردبیللی محمدرضا فقیهی بوندان اؤنجه بیر سیرا ملی فعالین، او جمله‌دن عباس لسانینین ده مدافعه‌چی‌سی کیمی چیخیش ائدیب.