نویابردا باکی‌دا کئچیریله‌جک کوپ۲۹ ساممیتی چوخ جدی و دنیاجا اهمیتلی تدبیردیر. آرتان محاربه‌لر و مناقشه‌لر فونوندا پلانئتین گلجه‌یی ایله باغلی ناراحاتلیق دوغوران مسئله‌لر وار. بوتون بونلارین مذاکره اولوناجاغی، حتی حل ائدیلجه‌یی بیر اؤلکه، شبهه‌سیز، تاریخ‌ده ایز قویاجاق.

Axar.az خبر وئریر کی، بو سؤزلری پولیتولوگ قابیل حسینلی کوپ۲۹ قاباغی غربین آذربایجانا قارشی قارا پیار کامپانییاسینی اینتئنسیولشدیرمه‌سینی شرح ائدرکن دئییب.

او بیلدیریب کی، غرب‌ده‌کی بعضی دایره‌لر بو تدبیرین باکی‌یا قازاندیراجاغی اوستونلوکلری یاخشی بیلیر:

«باشدا فرانسا اولماقلا، بعضی دایره‌لر آذربایجانی گؤزدن سالماق، نفوذونا خلل گتیرمک، حتی داخلی آئودیتورییادا ساممیتله باغلی غضب یاراتماق اوچون بو یولا ال آتیرلار.

بورادا ان چوخ فرانسا دئتالی دقت چکیر. رسمی پاریس بیر مدت اؤنجه باش توتان پاریس یای اولیمپییا اویونلاریندا اوزله‌شدیی فیاسکونو اونوتدورماق ایسته‌ییر. آچیق ایرق‌چیلیک، اسلامافوبییا ایله یاددا قالان پاریس-۲۰۲۴ بو گون ده گئنیش مذاکره ائدیلیر. بئله بیر اوغورسوزلوغو آنجاق باشقا، داها بؤیوک فیاسکو اونوتدورا بیلر. فرانسا بو گون جانلا-باشلا چالیشیر کی، کوپ۲۹ ایله باغلی قارا پیار کامپانییاسی آپارسین و تدبیری سابوتاژ ائتسین».

«بیر مدت اؤنجه فرانسادان اؤلکه‌میزه گلن ژورنالیستین اساسسیز شکیلده یازدیغی مقاله ده پاریسین مقصدی‌نین نه اولدوغونو گؤستریر. فیکریمجه، هله تدبیره قدر، حتی سونراسیندا دا بیز فرانسا و غربین بو کیمی آنتی‌آذربایجان موقعی و قارا پیار کامپانییاسی ایله اوزلشجه‌ییک. اما بئله اوجوز واریانتلار باکینی یولوندان دؤندره بیلمز»، - پولیتولوگ بیلدیریب.