اسرائیل راکت هجومونا جواب اولاراق ایرانا ضربه ائندیرمک پلانلاریندان ال چکمیر.

Axar.az خبر وئریر کی، بونو اسرائیل مدافعه ناظیری یواو گالانت دئییب.

"ایرانین هجومو آگرسیو، لاکن غیر-دقیق ایدی. بیزیم هجوموموز، عکسینه، اؤلومجول، سون درجه دقیق و ان اساسی، گؤزله‌نیلمز اولاجاق. اونلار نه باش وئردیینی و نئجه باش وئردیینی باشا دوشمه‌یه‌جکلر. اونلار ساده‌جه نتیجه‌لری گؤرجکلر"، - یواو گالانت بیلدیریب.

گالانت بیر داها وورغولاییب کی، ایرانین ضربه‌سی اسرائیل حربی هوا قوه‌لرینین پتنسیالینا هئچ بیر زیان وورماییب، بوتون هوا بازالاری نرمال رژیم‌ده ایشلییر، بیر دنه ده اولسون طیاره زده‌له‌نمه‌ییب.

قید ائدک کی، سپاه کوماندیرینین معاونی بوگونکو آچیقلاماسیندا اسرائیلین اف-۳۵-لرینین اهمیتلی حصه‌سینی ۱ اوکتیابر رکات هجومو زمانی محو ائتدیکلرینی آچیقلاییب.