ایران اسلام انقلابی کئشیکچیلری کورپوسونون (سپاه) خصوصی تعییناتلی قدس بریقاداسی کوماندیرینین معاونی محمد رضا فلاح زاده حزب‌الله حرکاتینین موقتی باش کاتبی تعیین ائدیلیب.

Axar.az خبر وئریر کی، بو باره‌ده کویتین «الجریده» قزئتی اؤز منبع‌لرینه استنادلا معلومات یاییب.

بیلدیریلیب کی، فلاح زاده بو وظیفه‌یه ایرانین عالی لیدری خامنه‌ای طرفیندن شخصاً تعیین ائدیلیب.

قید ائدک کی، اسماعیل قاآنینین حزب‌الله لیدری حسن نصراللاهین قتلی ایله باغلی استنطاقا چاغیریلدیغی و خامنه‌اینین نظارتی آلتیندا اولان شخصلر طرفیندن دیندیریلدیی باره‌ده معلومات یاییلمیشدی. عرب اسلام شوراسینین باش کاتبی سید محمد علی الحسینی ایسه «العربیه» تلکانالینا مصاحبه‌سینده قاآنینین اسرائیل جاسوسو اولدوغونو بیلدیریب و اونو قاسم سلیمانی، حسن نصرالله، اسماعیل هنیه و باشقالارینین اؤلومونه گؤره گناهکار ساییب.

قاآنینین سورغو-سواللار نتیجه‌سینده اینفارکت کئچیردیی حاقدا معلومات دا یاییلیب.