ارمنستانین باش ناظری نیکول پاشینیان ایروان‌دا «صلح قووشاغی» کنفرانسین‌داکی چیخیشیندا زنگزوردان کئچن یولا نظارت فونک‌سییاسینین روسییانین فدرال تهلوکه‌سیزلیک خدمتینه وئریله بیلجه‌یینی استثنا ائتمه‌ییب. بو، نیکول پاشینیانین زنگزور دهلیزی مسئله‌سینده گئری آددیمی کیمی قیمتلندیریله بیلر.

بو سؤزلری Axar.az-آ پولیتولوگ ائلخان شاهین‌اوغلو دئییب.

پولیتولوگ وورغولاییب کی، بو، کرملین دهلیزه نظارت مسئله‌سینده اوزون مدتدیر نیکول پاشینیانا ائتدیی تضییقین نتیجه‌سی‌دیر:

"روسییا پرزیدنتی ولادیمیر پوتین نیکول پاشینیانلا موسکوادا سون گؤروشونده ارمنستان-ایران سرحدینه نظارتین ارمنی حربچیلره تحویل وئریلمه‌سی ایله راضیلاشدی. پوتین بونون قارشیلیغینی آلمادان بئله بیر آددیم آتمازدی. گؤرونور، پاشینیان روسییانین ایران و تورکییه ایله سرحدی ترک ائتمه‌سینین قارشیلیغیندا روسییا حربچیلرینین زنگزور دهلیزینه نظارت ائتمه‌سینی قبول ائدیب. بونونلا نیکول پاشینیان ۱۰ نویابر ۲۰۲۰-جی ایل اوچطرفلی بیاناتینین ۹-جو بندینی یئرینه یئتیرمیش اولاجاق.

روسییا اوچون زنگزور دهلیزینی نظارته گؤتورمک آذربایجان و ارمنستان آراسیندا صلح سازیشیندن داها اهمیتلی‌دیر. سازیش ایکی اؤلکه آراسینداکی مناسیبتلرین نورماللاشماسینا، عینی زاماندا ارمنستانین تورکییه ایله سرحدینین آچیلماسینا، تجارتین باشلاماسینا، دیپلوماتیک علاقه‌لرین قورولماسینا سبب اولاجاق. کرملین بونلارین هئچ بیرینده ماراغی یوخدور، چونکی جنوبی قافقازا تأثیری آزالاجاق. روسییا بؤلگه‌یه تأثیرینی زنگزور دهلیزینه نظارت ائتمکله قورویا بیلر. اونا گؤره ده کرمل داها چوخ دهلیزه نظارت موضوعسونا ماراق گؤستریر".

پولیتولوگون سؤزلرینه گؤره، روسییانین زنگزور دهلیزینه نظارت ائتمه‌سی نه ارمنستانین، نه ده آذربایجانین ماراقلارینا جاواب وئریر:

"ایروان ارمنستان اراضی‌سینده‌کی نقلیات یولونون نظارتینی روسییایا وئریر و بو، پاشینیانین غربده‌کی طرفداشلارینین خوشونا گلمه‌یه‌جک. آذربایجان اوچون ایسه روسییانین زنگزور دهلیزینه نظارتی هم ده اورتا دهلیزه نظارتی دئمکدیر. بئله چیخیر کی، کرمل روسییایا آلترناتیو اولان نقلیات خطینه نظارت ائد‌جک.

بونا باخمایاراق، اؤنملی اولان زنگزور دهلیزینین ایشه دوشمه‌سی و بونون بؤلگه‌ده صلحه و امکداشلیغا شرایط یاراتماسی‌دیر. بونا نایل اولماق اوچون باکی و ایروان کرملین شرطینی قبول ائده بیلر. روسییا ایران و تورکییه سرحددینی ترک ائتمه‌یه قرار وئریب‌سه، بیر گون زنگزور دهلیزینه نظارت فونک‌سییاسیندان دا امتناع ائده بیلر، ساده‌جه بونون قارشیلیغیندا ایستکلری اولاجاق".