ارمنستان نماینده هئیتینین کوپ۲۹-آ قاتیلاجاغینی استثنا ائتمیرم. تدبیر هله ۸ گون داوام ائد‌جک. باکی‌داکی تدبیره آچیلیشدان سونرا قاتیلان رسمیلر ده وار.

Axar.az خبر وئریر کی، بو سؤزلری پولیتولوگ الخان شاهینوغلو قید ائدیب.

او بیلدیریب کی، ارمنستانی تمثیل ائده بیله‌جک رسمی اونا گؤره ایلک گوندن کوپ۲۹-آ قاتیلماییب کی، آچیلیشدا قاراباغین اشغال‌دان آزاد ائدیلمه‌سینه دایر پرزیدنت ایلهام علیئوین چیخیشینداکی فکرلری دینله‌مه‌لی و توپلانتی‌دا آزاد اولونان شهرلری گؤستره‌ن فیلمی ایزلملیدی:

«یقین باش ناظر نیکول پاشینیان دوشونوب کی، بو حال‌دا باشچی‌لیق ائتدیی حکومته قارشی رادیکال مخالیفت فعاللاشاجاق. اونا گؤره ده تدبیرین آچیلیشین‌دا اشتراک ائتمه‌مه‌یه قرار وئریبلر. بوتون حاللاردا ارمنستانین کوپ۲۹-دا اشتراک ائتمه‌مه‌سی باکی ایله دانیشیقلارا تأثیر ائتمه‌یه‌جک. رسمی باکینین موقعی بئله‌دیر کی، کوپ۲۹ تدبیرینین آذربایجان-ارمنستان دانیشیقلارینا عایدیاتی یوخدور. نیکول پاشینیان چوخ چالیشیردی کی، باکی ایروانلا یاریمچیق سندی امضالاسین و او، کوپ۲۹-دا اشتراک ائتسین. بو باش وئرمه‌دی. دانیشیقلار ایسه کوپ۲۹-دان سونرا دایاندیغی یئردن داوام ائد‌جک».