ایرانین عراق‌داکی اؤزونه باغلی قوه‌لری سوریایا گؤندرمه‌سی بؤلگه‌ده یارانمیش وضعیتی داها دا گرگینلشدیره‌جک. بللی اولدو کی، سوریاداکی ایران، روسیا و حزبوللاه قوه‌لری بو مسئله‌ده اسد رژیمینی مدافعه ائتمکده عاجیزدیر. حلبین بو قدر راحت شکیل‌ده اله کئچیریلمه‌سی رژیم، روسیا، ایران، حزبوللاه قوه‌لرینین و اونون متفیقی اولان دیگرلرینین نه قدر ضعیف اولدوغونو گؤستریر. اسد حکومتی عصیان‌چیلارین الین‌دن حلب شهرینی روسیا آویاسیاسینین، ایران و حزبوللاه قوه‌لرینین، او جمله‌دن دیگر شیعه گروپلاشمالارین دستیی ایله ۴ ایله آلمیشدی. ایندی ایسه بیر نئچه گونه ایدلیب و حلبی تمامیله، حمانین ایسه یاریسینی ایتیریب.

بو سؤزلری Axar.az-آ پولیتولوگ تراب رضایئو سوریادا داوام ائد‌ن گرگین‌لییی شرح ائدرکه‌ن دئییب.

او بیلدیریب کی، حاضردا خمس شهرین‌ده و حمانین دیگر اراضیلرین‌ده عصیانلارین باشلادیغی مشاهده اولونور:

«بشار اسد بو هجوملار قارشی‌سیندا اؤزونو مدافعه ائده بیلمیر. نتیجه‌ده ده متفیقلرینه مراجعت ائدیب. عراق و ایران کمک گؤندرجه‌یینی بیلدیریب. آیدین‌دیر کی، روسیا ایندیکی حال‌دا آنجاق آویاسییا دستیی گؤستره بیلر. حزبوللاه دا اسرائیلله محاربه‌ده جدی ایتکیلر وئردیی اوچون لازیمی یاردیمی ائده بیلمیر. ایران آرتیق عراق‌داکی حشدی شعبی قوه‌لرینی اورا یؤنلدیب. اسرائیلله آتشکس‌دن سونرا حزبوللاهین دا قوه‌لری اورا یؤنلدیله‌جک. بو ایسه وضعیتی داها دا غلیظ‌لشدیره بیلر. چونکی «هئیت تحریر الشام»ی دا دستکله‌یه‌ن اؤلکه‌لر موجودور. بونلارا سودیه عربستانینا، بیرلشمیش عرب امیرلیکلرینه باغلی گروپلاشمالاری عاید ائده بیلریک».

اونون فیکرینجه، اسرائیل و آمریکا یاخین قوه‌لری ده نظره آلماق لازیم‌دیر:

«بئله اولان تقدیرده فاکتیکی اولاراق سوریا محاربه‌سی هئیت تحریر الشام-اسد رژیمی محاربه‌سی اولماق‌دان چیخاراق، رگیونال محاربه‌یه چئوریلیر. اونسوز دا ایران و روسییا حزبوللاهلا بیرگه اورادا آکتیو ایدی. آرتیق یئنی گروپلاشمالار گؤندریلیر. بونا رگیون اؤلکه‌لرینین رئاکسییاسی ماراق‌لی اولاجاق. هئیت تحریر الشام ادلیب اراضی‌سینه - تورکییه‌یه یاخین مناقیشه زوناسینا هجوم ائلسه ده، تورکییه رسمی اولاراق بو هجوملاردا علاقه‌سی اولمادیغینی، آستانا راضیلاشماسینا هله ده صادق قالدیغینی بیلدیریر. تورکییه‌نین آفرین اطرافی، تئل-رفعت، منبیچه دوغرو یئروستو عملیاتی واردی. بو هجوملار تورکییه‌نین پ.کا.ک/پ.ی.د-ه قارشی آکتیو عملیاتلارینا دا انگل تؤره‌ده بیلر. بو باخیم‌دان، تورکییه‌نین موقعی چوخ اهمیت‌لی اولاجاق».

پولیتولوگ بو مناقیشه چرچیوه‌سینده ایران و تورکییه‌نین کوردیناسیالی اولماسی گرکدیینی وورغولاییب:

«تورکییه دستکلی گروپلارا قارشی ایران دستکلی گروپلار محاربه‌یه گیررسه، بورادا رگیونال اولاراق هم ده تورکییه-ایران، یاخود پارالل اولاراق تورکییه-روسیا قارشی‌دورماسی یارانا بیلر. اسرائیل و آمریکا دستک‌لی گروپلاشمالارین هجوم ائتمه‌سی ده ممکن واریانتلارداندیر. بو باخیم‌دان تورکییه ایله اورتاق مخرجه گلمک واجیبدیر. تصادفی دئییل کی، ایران خارجی ایشلر باش‌چی‌سی حادثه‌لر باشلایان کیمی تورکییه ایله علاقه ساخلادی. او، اولجه سوریایا، اورادان دا تورکییه‌یه سفر ائدیب. بؤیوک احتمال، تورکییه‌یه باغلی گروپلاشمالار هئیت تحریر الشام دا چوخ آکتیو دئییلسه، رسمی آنکارا اؤزونه لازیم اولان شرطلرله هانسی‌سا شکیل‌ده بو گروپلاشمایا دستیی تمامیله آزالدا و اونلارا قارشی مبارزه آپارا بیلر. تورکییه‌نین ایستیی اسد رژیمینی راضیلاشمایا جلب ائله‌مک ایدی. اسد حکومتی، حتی روسیانین واسیطه‌چیلیینه باخمایاراق، تورکییه ایله راضیلاشمایا گئتمک ایسته‌میردی. ایندی ایسه تورکییه‌نین شرطلرینی قبول ائتمه‌یه مجبوردور. حتی سوریا آنلاشماق اوچون تورکیه‌یه تهلوکه‌سیزلیک خیدمتین‌دن عبارت گروپو آرتیق گؤندریب. تورکیه بؤیوک احتمال تل-رفعتی، منبیچی نظارته گؤتورمک، پ.کا.کا/پ.ی.د-یه قارشی اسد رژیمی و ایرانی جلب ائتمک ایسته‌یه‌جک. دوشونوره‌م، بو شرطلر داخیلین‌ده تورکییه ایله امکداش‌لیق اولا بیلر. عکس حال‌دا ایرانین بو درجه‌ده آکتیو محاربه‌یه قوشولماسی سون‌دا تورکییه ایله آراسین‌دا گرگین‌لییه سبب اولا بیلر. تورکیه ایله هان‌سی‌سا شکیل‌ده بیر راضی‌لیق اولسا، او زمان اسرائیل و آمریکا دستکلی گروپلارا قارشی تورکیه-ایران-روسییا امکداشلیغینین یئنی مرحله‌سینی گؤره بیلریک».