خامنه‌ای‌نین مشاویری، کئچمیش خاریجی ایشلر ناظری علی اکبر ویلایتی سوریاداکی وضعیتله باغلی تورکیه‌نی اتهام ائدیب و ادعا ائدیب کی، آنکارا آبمریکا و اسرائیلین تله‌سینه دوشوب. بو آچیقلاما ایرانین سوریادا دوشدویو چیخیلماز وضعیتدن قایناق‌لانیر.

تهران شام و آنکارا آراسین‌دا تماسلار یاراداراق، وضعیته نظارتی ساخلایاجاغینا اومید ائدیردی. حالبوکی اردوغانین داها اؤنجه اسده گؤروش چاغیریشی جواب‌سیز قالمیشدی.

هاکان فیدانلا گؤروشدن الی‌بوش قاییدان عراقچی دا فکر آیریلیغینین اولدوغونو اعتراف ائدیب. فکر آیریلیغینین تملینده اسدین سوریالی مخالیفلره مناسبتی دایانسا دا، حاضردا باش وئره‌نلر تورکییه‌نین ماراقلارینا اویغوندور:

۱. حلبین نظارته گؤتورولمه‌سی ادلیبله یاناشی، تورکییه‌ده‌کی سورییالیلارین کؤچورولمه‌سی امکانی یارادیر و بو، آنکارانین یوکونو آزالدا بیلر؛

۲. پ.ی.د/ی.پ.گ ترور گروپلاشماسینین بؤلگه‌ده سیخیشدیریلماسی امکانلاری یاراندی: تل-رفعتین نظارته گؤتورولمه‌سیندن سونرا منبیچه ممکن عملیات گونده‌مه گلیب و بو، آنکارانین هله ۲۰۱۸-جی ایلده حیاتا کئچیرمک ایستدیی ایستراتگییا ایدی؛

۳. فرات ساحلینه چیخماق اساساً چایین شرقین‌ده ترورچولارین ان آزی ممکن ایرلیلییشینین قارشی‌سینین آلینماسی و سیخیشدیریلماسی باخیمیندان اهمیتلی‌دیر؛

۴. پ.ی.د/ی.پ.گ-نین سیخیشدیریلماسی آمریکادا حاکمیتین تحویل وئریلمه‌سیندن اؤنجه تورکییه‌نین الینی گوجلندیریر: ترامپین «سوریا دموکراتیک قوه‌لری» آدی آلتیندا لگیتیملشدیریلن ترورچولارا آچیق دستک وئرجیی گؤزلنتیسی بؤیوکدور؛

۵. موجود وضعیت‌ده تورکیه‌نین سوریادا هر ایکی طرف – ایران-روسیا و آمریکا-اسرائیل اوچون حل ادیجی اویونچو رولو گوجلندی و هر ایکی طرف آنکارا ایله راضیلاشماق اوچون اونون ماراقلارینی نظره آلمالیدیرش

«هیت تحریر الشام»ین (هتش) هجومون‌دا مسئولیتی تورکییه‌نین اوزرینه قویماق جهدلری اولسا دا، آنکارانین بوندان رسمی شکیل‌ده امتنا ائتمه‌سی ان دوغرو گئدیش ایدی. چونکی غرب‌ده ترور تشکیلاتی کیمی تانینان هیت تحریر الشام اوزریندن تورکییه‌نی «ترورا دستک وئره‌ن اؤلکه» کیمی گؤستره‌جک و بوندان پ.ی.د/ی.پ.گ مسئله‌سین‌ه استفاده ائد‌جکدیلر، بونا پارالل اولاراق، آنکارا مسکوا و تهرانلا بیرباشا اوز-اوزه قالاجاقدی. بونا امکان وئرمه‌یه‌ن تورکییه‌نین هیت تحریر الشام‌ین هجومون‌دان سونرا یارانمیش وضعیتدن هم حربی، هم سیاسی موستویده مؤقعلرینی گوجلندیرمک اوچون استفاده ائتدیی گؤرونور.

سورییادا هلکی اوستون طرف تورکییه‌دیر.