ارمنستانین تهلوکه‌سیزلییی سؤزون اصل معناسین‌دا ایران و روسیانین موقعین‌دن آسیلی‌دیر. بو، فاکتدیر. ارمنستان حکومتی دفاکتو بو ایکی دولتی ناراحات ائد‌ن آددیملار آتیر و بو، ارمنستانلا باغلی ایستاتوس-کوونون ساخلانماسی قرارینی پوزا بیلر.

Axar.az خبر وئریر کی، بو سؤزلری ارمنی تورکولوگ واروژان گگامیان ارمنی مدیاسینا مصاحبه‌سینده ارمنستانین آمریکا ایستراتژی طرفداشلیق حاق‌دا سازش امضالاماسینی شرح ائدرکه‌ن دئییب.

اونون فکرینجه، رسمی ایروانین ایران و روسیایا قارشی یؤنلمیش آددیملاری اؤز آیاغینا گوله سیخماسی‌دیر.

گگامیان آمریکا ایستراتژی طرفداشلیق‌دانسا، ایرانلا حربی تعلیملرین کئچیریلمه‌سی و ایران قوشونلارینین «ارمنستانین ضعیف بؤلگه‌سی اولان» سونیک‌ده (زنگزوردا) یئرلشدیریلمه‌سینی تکلیف ائدیب:

«بو حال‌دا ارمنستانین تهلوکه‌سیزلیک سوییه‌سی فاکتیکی اولاراق آرتاردی. آذربایجانین زنگزور اشتاهینی جیلوولاماق اوچون ایرانلا تعلیم کئچیرملیییک».

قئید ائدک کی، ایران آلی تهلوکه‌سیزلیک شوراسینین کاتیبی علی اکبر احمدیانین یانوارین ایلک اونگونلویون‌ده ایروانا سفری زامانی ائرمنیستان رهبرلیینه حربی طرفداشلیق سازشی و اوردونون زنگزورا یئریدیلمه‌سینی تکلیف ائتدیی باره‌ده معلومات یاییلیب. بونون آردینجا ارمنستان‌دا مخالف سیاست‌چیلر و پولیتولوگلار بو استقامت‌ده تبلیغاتی گوجلندیریبلر.