آمریکانین ارمنستانا خصوصی سرحد محافظه گروپو گؤندرمه‌سی قونشو اؤلکه‌لر اولان ایران، آذربایجان و تورکیه‌یه جدی تأثیر گؤستره بیلر. عمومی‌لیک‌ده بو سازشین امضالانماسی قفقاز رئگیونون‌دا گرگین‌لییی آرتیراجاق پوتنسیالا مالکدیر. هم ده زنگزور دهلیزینین آچیلماسی ایله باغلی مسئله‌ده بو، جدی بیر انگل کیمی گؤرونور.

بو سؤزلری Axar.az-آ تورکیه‌لی سیاسی اکسپرت انگین اؤزر واشینگتن‌دا آمریکا و ارمنستان آراسیندا استراتژی طرفداشلیق حاقیندا سازشین امضالانماسینا مناسبت بیلدیررکه‌ن دئییب.

اونون سؤزلرینه گؤره، سازشین امضالانماسیندا آمریکا اوچون از‌لی رقیبلر اولان ایران و چین فاکتورو دایانیر:

«چینین «بیر کمر، بیر یول» لاییحه‌سی آوروپا ایله علاقه‌نی اوچ اساس استقامت‌ده تعمین ائدیر. بیرینجی‌سی، شمال مارشروتو روسییا و بلاروس اوزرین‌دن کئچیردی، لاکین محاربه سببین‌دن بو یول باغلانیب. دنیز مارشروتو ایسه قیرمیزی دنیز اوزرین‌دن آرالیق دنیزینه باغلانیردی، لاکین حوثیلرین هجوملاری بو استقامت‌ده جدی پروبلملره سبب اولوب و گمیلر اومید بورنونو دولانماق مجبوریتینده قالیر. رئال اولان لاییحه ایسه اورتا دهلیز آدلاندیریلان و آذربایجانین زنگزور دهلیزینین آچیلماسی ایله ناخچیوانا باغلانماسینی نظرده توتان مارشروت‌دور. آمریکا بو دهلیزی انگلله‌یه‌رک آوروپا و چین آراسین‌دا تجارتی ضعیفلتمه‌یه چالیشیر».

پولیتولوگون فکرینجه، بو سازشین امضالانماسی قفقاز رگیونون‌دا وضعیتی گرگینلشدیره بیلر:

«یاخین گله‌جکده اسرائیلین ایرانا قارشی عملیات باشلاتماسی گؤزلنیلیر. بو وضعیت‌ده ارمنستانلا ایران آراسیندا ممکن اتفاقلاری انگلله‌مک مقصدیله بو آددیملار آتیلیر. پاشینیان دؤورون‌ده بو اتفاقلار نسبتاً ضعیفلدیلیب. یاخین زمان‌دا باش وئره بیله‌جک ایران محاربه‌سی بؤلگه‌ده اهالینین حرکتلیلیینین دییشمه‌سینه سبب اولاجاق. بئله بیر مناقیشه سونراسی بؤیوک بیر قاچقین دالغاسی گؤزلنیلیر».

اؤزرین سؤزلرینه گؤره، آمریکانین ایروانا سرحد محافظه گروپو گؤندرمه‌سی ده ارمنستانلا سرحدیانی اؤلکه‌لر اوچون آرزوولونان دئییل:

«زنگزورون آچیلماماسی ایسه تورکییه‌نین اورتا آسییا و چینله علاقه‌لرینین ضعیفله‌مه‌سینه گتیریب چیخاراجاق. بو، نه تورکیه، نه ده آذربایجان اوچون مثبت بیر انکشاف‌دیر. آنجاق فیزیکی باخیم‌دان آنکارانین بو مسئله‌ده ائده بیلجیی چوخ شئی یوخدور. تورکییه‌نین بو مسئله‌یه جدی رئاکسییا گؤسترمه‌سی ممکن دئییل، چونکی ارمنستان مستقیل دؤولت‌دیر و نئجه کی، کتمت ایله امکداشلیق ائدیر، آمریکا ایله دا راضیلاشما الده ائده بیلر. تورکییه‌نین یاخینلاشماق‌دا اولان ایران محاربه‌سین‌ده چوخ فعال اولماغا هوس‌لی اولمادیغی دا نظره آلینمالی‌دیر. سون زمانلار تورکییه‌ده آپاریلان آنتی‌ ایران تبلیغاتی بونو ثبوت ائدیر».