آذربایجان ایرانلا روسیانین یاخینلاشماسیندان ناراحات‌دیر.

Axar.az خبر وئریر کی، بونو آمریکانین «استراتفور» کشفیات و آنالیتیک مرکزینین آوراسییا مسئله‌لری اوزره آنالیتیکی متیو اورر دئییب.

«بو فاکتور آذربایجان حکومتینی باشا سالیر کی، بو اؤلکه‌لردن آسیلی اولماماق اوچون ثابتلییی پوزماماق، عکسینه، رگیوندا موجود بالانسی ساخلاماق داها یاخشی‌دیر. روسیا ایله ایران آراسیندا امکداشلیغین آرتماسی آذربایجان اوچون معین ریسکلر یارادیر. حساب ائدیره‌م کی، بو، باکی اوچون اویانیش زنگی‌دیر»، - اورر بیلدیریب.

اکسپرت بونونلا یاناشی، اسرائیلین ایرانا ظربه ائندیرمه‌سینی ممکن حساب ائدیب:

«اسرائیل آرتیق سون بیر ایلده ایرانا ضربه‌لر ائندیریب و اؤلکه‌نین هاوا و راکت‌دن مدافعه سیستملرینین ضعیف اولدوغونا دایر ثبوتلار وار. بئله اولان حالدا اسرائیل دوشونه بیلر کی، ایندی ایرانین نووه سلاحینا صاحب اولماسینین قارشی‌سینی آلماق اوچون ضربه وورماغین زمانی‌دیر. اوسته‌لیک، حاضیرکی اسرائیل رهبرلییی ترامپ آدمینیستراسییاسینین بو مسئله‌ده تل-آویوین ایستکلرینه قارشی داها آز میل‌لی اولاجاغینا اینانیر. ترامپ آدمینیستراسییاسی بو جور ضربه‌لرین علیهینه‌دیر، رگیون‌دا ثابیتلیین پوزولماسینا قارشی‌دیر، لاکین اسرائیل‌لی‌لر آمریکالیلارین چوخ دا مداخله ائتمه‌یه‌جه‌یینه آرخالانا بیلرلر».