ب‌ام‌ت اکسپرتلری ایران‌دا اتنیک گروپلارا قارشی رپرسسییالارین گوجله‌نمه‌سی باره‌ده خبردارلیق ائدیب.

Axar.az خبر وئریر کی، بو باره‌ده اونلارین یایدیغی بیانات‌دا قید اولونوب.

بیرلشمیش ملتلر تشکیلاتی مستقل اکسپرتلر گروپو طرفین‌دن وئریلن بیانات‌دا ایران‌دا اتنیک گروپلارا قارشی رپرسسییالارین گوجله‌نمه‌سی، اعدام سایینین آرتماسینا گؤره ناراحاتلیق ایفاده اولونوب.

بیانات مؤلفلری اسلام رسپوبلیکاسینی اؤزباشینا حبسلره، مجبوری یوخا چیخمالارا، ایشگنجه‌لره، مجبوری اعترافلارا و اعداملارا سون قویماغا و بین‌الخالق انسان حقوقلاری عهده‌لیکلرینه عمل ائتمه‌یه چاغیریبلار.

همچینین ب‌ام‌ت-نین ایران‌دا انسان حقوقلاری اوزره خصوصی معروضه‌چیسی مای ساتو دا رپرسسییالارین درحال دایاندیریلماسینا چاغیران بیانات یاییب.