ایران پارلامنتین‌ده اؤلکه مکتبلرین‌ده غیری-فارس دیللرین محدود تدریسینی نظرده توتان قانون لاییحه‌سینین تصدیق اولونماماسی آذربایجان‌لی ملت وکیللرینین ده ناراضی‌لیغی ایله قارشیلاشیب.

Axar.az خبر وئریر کی، بو باره‌ده یئرلی مئدیا معلومات یاییب.

تبریزین ایران پارلامنتین‌ده‌کی نماینده‌سی، محافظه‌کار سیاسی جریانا منسوب اولان روح‌اللاه متفکر آزاد پارلامنت‌ده‌کی چیخیشین‌دا قانون لاییحه‌سینین قبول ائدیلمه‌مه‌سینی تنقید ائدیب.

اونونلا یاناشی، شرقی آذربایجان نماینده‌لر مجلیس‌ینین صدری علیرضا نوین‌ده اوخشار یازیلی بیاناتلا چیخیش ائدیب و قانون لاییحه‌سینین تصدیق اولونماماسی اوچون سس‌وئرمه‌دن اول دولت نماینده‌سینین لایحه‌نین علیهینه چیخیش ائتدیینی، پارلامنت عضولرینی قانون لاییحه‌سینه سس وئرمه‌مه‌یه تشویق ائتدیینی بیلدیریب.

"بو گون یئرلی و ائتنیک دیللرین ادبیاتینین هفته‌ده ۲ ساعت تدریسینی نظرده توتان قانون لاییحه‌سی سسه قویولمادان اول دولت نماینده‌سی اونون علیهینه چیخیش ائتدی و تأسفله پارلامنت عضولرینین چوخو دا اونونلا بیرگه قانون لایحه‌سینه قارشی چیخدیلار. هر دفعه پرزیدنت سچکیلری عرفه‌سنده اونلار ۱۵-جی مادنین اجراسی ایله باغلی وعدلر وئرسه‌لر ده، سئچیلدیکدن سونرا بو یاددان چیخیر. بو دفعه ایسه مسعود پزشکیان حکومتینین نماینده‌سینین تورک دیلی و باشقا ائتنیکلرین دیللرینین تدریسینه قارشی چیخیش ائتمه‌سینی گؤزله‌میردیک، آنجاق بو بئله اولدو"،- ملت وکیلی یازیب.

او، ۱۵-جی ماده‌نین اجراسینا مانع اولوندوغو حال‌دا فارس دیلی آکادمیاسی ایله باغلی فرقلی مؤقع نماییش ائتدیریلمه‌سینی مونوپولیست یاناشما آدلاندیریب، بونو میلیونلارلا باشقا ایرانلینین حقوقونو پوزماق کیمی دیرلندیریب.

قید ائدک کی، بو گون ایران پارلامنتینین آچیق اجلاسین‌دا غتری-فارس دیللرین هفته‌ده ۲ ساعت تدریسینی نظرده توتان قانون لاییحه‌سی سس‌وئرمه‌یه چیخاریلیب.

سس‌وئرمه‌ده اشتراک ائد‌ن ۲۴۶ ملت وکیلینین ۱۰۴-او قانون لایحه‌سینین لئهینه، ۱۳۰-او علیهینه سس وئریب، ۵ ملت وکیلی طرفسیز اولوب، ۷ نفر ایسه سس‌وئرمه‌ده اشتراک ائتمه‌ییب.